بشكل مختصر أحاول أشرح يلي فهمته وحمسني قليلا إني أكمل باقي المحاضرات بحكم حبي للتكنولوجيا
المحاضرة الأولى الدكتور شرح الكال
قال إنها أي برنامج أو تطبيق أو أي شي يمت للتكنولجيا بصلة بتتم عبره عملية تعليم للغة ,سواء كانت هادي البرامج و التطبيقات مصنوعة لدا الشي أو لأ
أو كان المتعلم بيستخدمها بنفسه أو أحد تاني بيستخدمها عشان ينتج شي يعلم فيه المتعلمين للغه زي مثلا كتب اللغة الانجليزية أو كتب التمارين وهاكزا ..
في عندنا ال call
وفي كمان ال casla
الدكتور يقول إنو في كتير ناس يفرقو بينهم , لكن هو شخصيا ما يشوف الفرق بينهم ويتمنى إنو إنتو كمان ما تفرقو
وفي كمان ال calt وهو ما يخص اختبارات اللغة ,,وعلى كلام الدكتور إنو لقلة الوقت وقلة أصلا البرامج حقته فمح نتناقشها في الكورس
وكمان مح نتناقش في ال ai وهيا برامج يلي تخص اللغويات أو elt وهي يلي تخص تعليم اللغة الإنجليزية
في كتير اختصارات أوسع من الكال أو تتداخل أو تتشابك معاها زي ال cal , cai , cbe إلخ تلاقوها في الملزمة
مهام الكال ممكن تكون في الألعاب أو التمارين أو النشاطات أو الأدوات يلي في الكمبيوتر حتى استخدامنا لبرنامج الوورد نكتب ملاحظات أو نسوي جداول في البرنامج أو حتى استماعنا لمحاضرة الدكتور المصون كلها هادي الأشياء تدخل تحت الكال وممكن استخدامها في البيت أو في الفصل
مجرد التفكير في الكال معناتو إنو الواحد بيفكر في أشياء تانية كتيييير تخص أدوات تعليم أو تعلم اللغة الانجليزية زي المناهج أو بوسترات أو فيدوهات أو حتى الاختبارات الورقية أو القواميس
وتضمن الأشياء يلي ممكن المدرس يستعلمها مع الأشياء المذكورة سابقا في عملية تعليم اللغة زي طرق التدريس أو المناهج ,,,أو كان الطالب بيستعملها لحاله منفردا
الدكتور يقول انوكل البرامج لازم تشتريها أو تلاقيلك نسخة (****) وهو ابدا ما ينصح بالنسخ ال**** لانهها مهي قانونية (ماشاء الله فلوسه كتير)
تلاتة نقاط مهمة في دراسة الكال :
التطوير والاختراع : وهو يوقول انو مارح نتطرقلها لانها شي صعب وعميق ويبغاله دراسة وووو
الاستعمال : كيف المدرسين يستعمله البرامج مع طلابهم في أو خارج الفصل , وكيف الطلاب نفسهم بيستعملو هادي الأشياء
أخر شي التقييم : وهو انك كيف تقرر هادا البرنامد جيد أو سيء وهادا يلي حندرسة في المحاضرةالتانية
اخر المحاضرة أعطى نبذة تاريخية عن الكال (وأنا شخصيا حسيتها نبذه عن تاريخ الحاسب من لمن كان قد الغرفة الين ما سار قد النملة )
وسلامتكم