السلام عليكم ورحمة الله
بحمد الله سلمت اوراق اختي اليوم للبريد الممتاز
وكانت الاجرائات جداً سهله إذا كنت متبع الخطوات
لك اخي الفاضل >> عشان ماتتعطل ويرجعك موظف البريد كم مرهـ
لكِ اختي الفاضله >> عشان ماتتعطلين ولا تتعبين ابوك او اخوك الي مودي الاوراق مثل ماشفت بعض الاباء تعب جداً اليوم .
رتب الاوراق المطلوبه تنازليا :
شهادة الثانوية العامة الأصل
شهادة حسن السيرة والسلوك الأصل
3 صور من شهادة الثانوية العامة طبق الأصل
صورة من بطاقة الاحوال المدنية ( أو كرت العائله )
ورقة التعهد الي طبعتها من الموقع
ورقة المعلومات الشخصية اللي طبعتها من الموقع كذلك
صورتين من ورقة البريد الممتاز ( لازم صورتين عشان راح يأخذ وحدهـ وراح يختم الثانية ويرجعها لك )
....
كذا راح يصير عندك 10 اوراق بالتمام
ضع هاذي الاوراق في ملف شفاف ( مو شرط لاكن يفضل عشان يكون وضعك مرتب وتعطي الموظف الملف
على طول بدون ماتتعطل )
ملاحظات :/
1)
ورقة البريد مو لازم تكون طالعه كلها زي مايعتقد البعض ( أهم شي يكون باين اسمك وكليتك ورقم الجوال , الاوراق المطلوبه , الباركود الي باللون الاسود وتحته رقم ) .
2)
لاتنسى تعبي البيانات كاملة في ورقة التعهد وورقة المعلومات الشخصية كذلك .
//
وبكذا راح تكون مرتب واوراقك كامله وماراح تتعطل ابداً في البريد
أنا سلمت الاوراق خلال 5 دقائق فقط رغم وجود الزحمه ( لاكن الاوراق كانت جاهزهـ وكامله ومرتبه ) عكس بعض الناس الي رجعوهم لإسباب مثل : احضار نسخه واحده من ورقة البريد , عدم اكمال اوراق التعهد .
//
في النهاية اتمنى اكون افدتكم إخواني وأخواتي الاعزاء
والف مبروك للمقبولين , والله ييسر امور المتعثرين ويوفقهم بباقي الدفعات
تحياتي لكم جميعاً