المشاركة الأصلية كتبت بواسطة miss jaz

.. السلام عليكم ورحمة الله وبركاته .. كلاك استفزني للرد مع إني مسجلة في المنتدى من زمان لكن ما كنت أشارك عموما .. متى رح تبطلون تخلون الكلية وأنظمتها وموظفيها شماعة لفشلكم ؟ أنا طالبة حالي حالكم .. ولا عندي واسطة ولا هم يحزنون .. وكل موظفات الكلية ما عرفتهم إلا من دخلت الكلية بس المحترم يفرض احترامه ع الجميع .. أغلب الكلام اللي انقال مش صحيح ! انا معكم وأشوف بعيني ! اللي أشوفه إن البنات مع احترامي الشديد .. يقلون أدبهم ع الموظفات ويتوقعون الاحترام ! أو يهملون ويتوقعون في الأخير النجاح ! أو ما يحترمون الأساتذة وما يعاملونهم معاملة كويسة ويتوقعون في الأخير إنها بتزيدك وتعطيك ومدري ايش وانتي مجننتها سمستر كامل ! ما تخش بالعقل - بالنسبة لـ سوء المعاملة والاحتقار من مديرة شؤون الطالبات ؟ مس نورة ! معلييييييييييش مس نورة من أكثر الشخصيات والناس اللي في الكلية احترام وتعامل راائع وراااقي ! صح مرات ما يكون عندها أجوبة .. لكن تتعامل معنا بمنتهى الذوق واللطف ! جدا جدا رائعة هالانسانة - بالنسبة لسالفة المزاج .. أعتقد من حق الأستاذ أو الدكتور الجامعي .. إنه يزيد أو يكافئ الطالب الخلوق عنده ! .. يعني مش معقولة يزيد شخص يقل أدبه ويحتقره واحنا عارفين وش يصير تجاه الأستاذات من عنصرية للأسف وانهم بو هنوود وفلبينو :) .. الواحد يقول هالكلام وهو في قلبه حره من اللي يصير .. - سالفة الدرجات ! أتوقع انكم تمزحون صح ؟ من أفضل الأشياء اللي مرت علي .. إنه لا ظلم في الدرجات في الجامعية ! اللي قدمته تاخذه لا نقص ولا زيادة .. درجاتك بيدك وأعتقد إنكم تشوفون أوراقكم الكويزات + الميد .. وتقدرون تتناقشون مع الأساتذة فيها ! ولو فيه أي غلط يتعدل :) .. - موضوع الواسطة للأسف ما نقدر ننكرها .. لكن هذه مو مشكلة الكلية الجامعية لوحدها ! الدولة كلها تعاني من الواسطة .. الواسطة تنخر في جميييع أجهزة الدولة من أصغرها لأكبرها بلا استئذان .. أنا أعتقد محد بيقدر الجامعية إلا لما يجرب غيرها والظلم الصحيح .. وآخر طلب بليز .. اللي يفشل لا يلقي بفشله ع غيره .. احنا معكم والحمدلله ماشين .. والناس قدرات موفقين ..