ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات يا اللي عندكم اختبار الشناوي بكره ادخل .. البشارة .

كارزما · 2015- 12- 22

اقتباس:

المشاركة الأصلية كتبت بواسطة نونه الحلوة

حبتك العافيه مس يونا

النسخ واللصق المتكرر شوه سمعت الجامعه وسمعت شهادتنا ..
لمن اقول لأحد دراستي تعليم عن بعد ع طول نظرة ابتسامة مع شويه ازدراء انه ذي تسميها دراسه
وانتم كلها نسخ ولصق

ويمشونكم عشانكم بفلوس والله انقهر

لمن اسمع كذا مع انه ماعمري اعتمدت ع الاسئلة السابقه اخلص الملخص اول بعدين ارجع لها واوقات مايسعفني الوقت امر عليها

.. حتى التاريخ ماعتمدت ع اسئله قرأت الملخص كله بعدين مريت ع اسئلته ..
ماقلنا لهم يكررو لكن يجيبو من المحتوى مع مراعاة الفروق الطلابيه كذا الواحد لمن يشوف نتيجته ويأخذ وثيقته يستشعر شعور النجاح من قلب

.
.

احنا الي نحدد كيفية تعامل الناس معنا .. مو هم الي يقررون
بالعكس عندي لما يعرفون اني عن بعد الي اشوفه انهم مبهورين
كيف قادرة اوفق مع الانظمة والحوسة وبدون شرح ولاتفاعل مع الدكاترة
يقولون احنا انتظام وعسى السلامة

بس فيه نوعية من البشر طبعها كذا التحطيم وانتقاد اي شي ماتقدر توصله
والي بينقد ع النسخ واللصق حتى لو تحفظ حفظ بدون فهم ماراح تقدر تحل
بدليل فيه ناس بمواد الشناوي وياخذون B وB+

دام السالفة سهله ليش مو فل مارك

وتكرار الاسئلة او تحديدها ماشي حتى بالمدارس مع المناهج الجديدة ومن قبل
تلقى المدرسين محددين كم باب بس او الي طيب مره عملهم
ملخص من 20 -25 ورقه وقال لهم صموه والمصيبة ماحد فالح

اسلوب الدكتور جاك وش يفرق عن التكرار او النسخ لصق لما يحط الخيار
الصحيح وبعدين قطة - حليب مو ناقص الا تجيك الورقة مظلله

ترليون مره الاختبار صعوبته مو مقياس عبقرية الطالب لان حتى الفلته ممكن يسير له
ظرف ويقدم من اسوأ ما يمكن

بس لما بجي اقدم ع ماستر أو وظيفة ويوقف المعدل حجر عثرة بسبب تعنت دكتور
وأسئلته التعجيزية هنا لازم نعرف ان في مصلحتنا نوصل هدفنا باسهل طريقة

اقسم بالله ماقد دخلت مادة للشناوي بدون ما افلي الملزمة لان هذا واجبي
وحق المادة علي .. واذا لقيت الأسئلة مكررة اننننننننبسط

احس ربي كآفأني على تعبي

لكن الي يزعلون ويشوفون ان المتردية والنطيحة كلهم حلوا
اعتقد لازم يراجعون أنفسهم .. فيه خلل داخل

لايؤمن أحدكم حتى يحب لأخيه مايحب لنفسه

لو الدافور دودة الكتب سار له ظرف وماقدر يذاكر
وقدم ولقى الأسئلة مكررة وش بيكون احساسه ؟؟
ليش ماتحب غيرك يجيه نفس الشعور

+

احنا لما نقول ذاكروا فهو من باب المحبة حريصين عليكم
ماندعي مثالية ولانشوف نفسنا ناس احسن من غيرنا
نتكلم من باب التناصح والمحبة

والا اسهل شي اطلع من المنتدى واخلي معلوماتي لي
والباقي فخار يكسر بعضه

.
.

بالنهاية لازم يكون عندنا يقين ان كل واحد بياخذ حقه من هالدنيا 24 قراط
ماينقص قيراط واحد لان ربي ليس بظلام للعبيد