المشاركة الأصلية كتبت بواسطة Malaky1987

السلام عليكم

والله ياعندي لكم سواليف وش كثرها

انا اعتبر نفسي مكافحه بجد ههههههه لاني حملت وولدت وتوحمت وحملت ثاني وولدت وانا ادرس

انا لما تخرجت من الثانوي ماقبلتني جامعة الملك سعود وقبلتني الامام وكنت رافضه رفض تاااااام اني اكمل فيها نهائيا اذبحوني ولا ادرس شي مب من مزاجي او بس مجرد شهاده


جلست بالبيت وسجلت بعدها بالجامعه العربيه المفتوحه فتح الله مخ العدو تخصص تقنية معلومات وفحطنا فيها وهبلو بنا مع اني كتت احب القسم مررره وقريب لقلبي بس صار بينهم وبين التعليم العالي شي ما وسحبو منهم الاعتراف هالكلام قبل سبع سنين مدري عن وضعهم الان تأكدنا من المعلومه انا وصديقتي وانسحبنا وتزوجت وقتها


رحمه من ربي ان زوجي برضو ماكمل جامعه معه كلية التقنيه وقررر يكمل دراسه وسجل بجامعة الملك عبدالعزيز واختبر ترمين وكنت وقتها نفسسسسي ادرس وفتح شهيتي للدراسه ولاني كنت طالبه من شروط الزواج دراسه ماعارض ابد الحمد لله علمتني صديقتي جعلها بالجنه على جامعتنا وتخصصت ادارة اعمال الحمد لله

مرت علي ايام ابكي من التعب والارهاق ومسؤولية عيالي بالذات ان اعمارهم قريبه من بعض زي ماقلت لكم رحت اتوحم ههههههه ولادخلت بنت ريحتها شينه انمرض تجيني دوخه ويالله احل ايااااااام متعبه بس والله حلوه بمرها بحلوها الحمد لله على الكمال والتماااام



الشهاده حلمممممي الي طول لاكثر من عشر سنوات اللهم لك الحمد حتى ترضى عقبال تخرجنا يارب بأعلى الدرجات

المشاركة الأصلية كتبت بواسطة صالح النهدي

من المواقف اللي مرت علي اتذكر كنت جالس اتابعكم بالمنتدى في اختبار ادارة العمليات واذاكر من الكويزات

واشوف موضوع لاحد الاخوان مكتوب (انطباعكم عن ادارة العمليات) وانا اقول بنفسي وش فيه ذا مستعجل


ورحت للاختبار الفترة الثانيه تفاجات ان الاختبار كان بالفتره الاولى

المشاركة الأصلية كتبت بواسطة اللورد 777

انا اول مادخلت الجامعه كنت مسوي مجتهد مشتري كرتون اقلام رصاص وكل يوم اودي معي واحد ولما اطلع اشوف الطلاب يقطون الاقلام بالكرتون اقوم اقط القلم حقي معهم استحي اخاف يقولون يبوق الاقلام وكل يوم كدا لين شفت الجامعه تجيب الاقلام بطلت اجيب معي والفصل اللي بعده قلبت عليهم صرت اخذ الاقلام بعدد اللي خليتتهم لهم
الله يوفق الجميع كانت ايام جميلة معكم بالمنتدى ربي يكتب الخير للجميع تحياتي للكل

المشاركة الأصلية كتبت بواسطة مشاعر صادقه

السلام عليكم ,

اخوكم مشاعر صادقه . مشاركاتي جداً قليله واغلبها تحلطم . >>>> واضح


في البدايه حق على كل واحد فينا وانا أولكم بأن ندعي لكل من اخذ من وقته وكتب لنا ملخصات وأسئله .


الله يعطيهم العافيه ويكثر من امثالهم ويسعدهم . ويسعد كل من قال آآآآآمين .


ما اظن اني اقدر اتوقع معدلي لأني الترم السابق وهذا الترم عصرت نفسي ونزلت 7 مواد . وكانت النتيجه عدم القدره على التركيز على المواد الصعبه .


عندي شغله في بالي مستحيل انساها.


المراقبين مو كلهم متساعدين وفي بعضهم اظن انه قانع نفسه (ان في جائزه للي يصيد طالب ) فصاير يشك في كل شي .


ما لكم في الطويله انا من الناس اللي رسبت في المحاسبه . ولما اعدتها... في يوم الاختبار


دخلت القاعه وكانو الطلاب يكتبون في الورقه الاولى ( اللي هي حق الاجابات ).
فبديت اكتب بياناتي . وبعد ما خلصت . انتبهت للطلاب انهم عندهم آله حاسبه . وانا هينا وقف قلبي . قلت للمدرس انت لسا ما بعد توزع الأسئله مضطر اروح السياره واجيب الآله .


تدرون وش قال ؟؟؟؟؟؟؟؟؟؟؟؟؟؟؟؟؟؟؟؟؟


قال قضي الأمررررررررررررررررررررررررررر .


اقسم بالله ان انصدمت صدمه ما يعلم فيها إلا الله .


وجلست اضرب ارقام كبيييييييييييير جداً . وحليت بالورقه ودموعي ( تنتظر أشاره عشان تنزل ) من الظلم .


ومع كل هذا نجحت . نجحت لأن الله لطف فيني . وترا انا مو شاطر في الارقام ولكن توكلت على الله وحليت اللي قدرت عليه .


مؤسف النظره اللي نشوفها في عيون المراقبين . ولا اعمم عليهم كلهم ولكن اغلب الاحيان يجيني واحد مكشر و يعاملنا كأننا طلاب اول متوسط .


عموماً اطلب من الله ان ما احمل أي ماده هذا الترم وباذن الله من الناجحين .


أشكرك على هذا الموضوع

المشاركة الأصلية كتبت بواسطة storm

واحد من الاصدقاء كان مقنعني انه يعرف واحد في مركز الاختبار من اللي يراقبون ويجمعون الاوراق

المهم كان يقول لي روح ولاعليك
اذا حسيت انك جبت العيد اكلمه يعدل لك الوضع
المهم كنت نفسياً مرتاح وحاس اني مسنود بس للامانه كنت اذاكر واقول اخليه للامور الضرورية
بعد ماخلصت اخر اختبار جاني صاحبي وقال
اقسم لك بالله ماعرف احد بس حبيت ادعمك نفسياً
قلت له دعمك لوري محمل طابوق
زين ماعتمدت عليك
بس للامانه ماعمر رحت للاختبار متوتر بسبب كلامه وكنت احس ان الوضع تحت السيطره😄

الزبده هذي كانت اكبر كذبه بالتاريخ واستمرت 4 سنوات