طلبتــك يا بعـد كل الخــلايق روق و اسمعــني
ترى ما يذبح العاشق .. سوى لاكثرت أوجاعه
أمانــه لا بغيـت تـروح ! تـكفى لا تـوادعني ..
تراك أنت الوحيد اللي عجزت أتخيل وداعه
إليـا منه نزل دمـعي أمامـك قول وش يعني
يا إما .. إني أحبـك أو إن النـفس ملتـاعه
و أنـا في الحالتيـن أصبـح أنا المقصود والمـعنى
و تصبح حضرتك جاني وأنا المجني على أوضاعه
ياهيه إسمع ! ياهيه إفهم كلامي لا تقاطعني
ترى العاشق دمعاته تساوي ! لويـة ذراعه
وأنا عن بعض الأشياء عزتي والله تمـنعني
مع إن نفسي ..على حبك قسم بالله منصاعه
يا ليتك من قبل لا تقتنع في البعد ؟ تقنعني
سقيم الحب !!!! بعد الله من اللي يقدر إقناعه ؟
و يا ليت إنك سقيم العقل !!!! قبل إنك تولعني
ما كنت أشتاق للمجنون و أعشق طبع بطباعه
ترى عادي يوم إنك كل ساعه كنت تجرحني
لكنّ اللي ماهو عادي ؟ أحبك موت كل ساعه
أحبك كثرمالك في الحشا طعنات توجعني
وأحبك كثر ما يجرح خفوقي خافق ٍ باعه
أحبكـ كثـر مـا حاولـت للهجــران تدفـعني
و أحبك كثر ما أملك من بيوت الشعر و أتباعه