|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
الوقت قاسي وأنت ياعبدالسلام
هندي وعمرك راح وسط المملكة
موظف ومسكين وتحب النظام
وماعندك إلا السيكل اللي تملكه
وأهم حاجه فيك ماتاكل حرام
اللي تحس إن فيه شبهه ، تتركه
يتيم وتصلي الفجر خلف الامام
وأبوك مات بـ بورما في معركه
وإن قلت كيف الحال؟ جاوبني : تمام
مرتاح في ذا المسلك اللي يسلكه
أقصى طموحه يوم فالبيت الحرام
يقضي بها فرضه ويقضي منسكه
وحنا نحب النوم ونحب الكلام
النفط خلانا قليلين بْركه
ماعندنا غير السوالف فالدوام
فلان مابه خير ، وفلان تنكه
ماندري إن عيون ربي ما تنام
سبحانه اللي كل شي(ن) يدركه
قلوبنا أكبر منك يا بيض النعام
واخبارنا وافكارنا مستهلكه
نهتم فـالتجّـار كل الاهتمام
اللي تفرنك بالدراهم فرنكه
مانحترم من يستحق الاحترام
كلن يخاف من الفقر لا يفركه
لو الفقر يذبح ذبح عبدالسلام
ماعنده الا السيكل اللي يملكه
|