2015- 12- 26
|
#40
|
|
أكـاديـمـي نــشـط
|
رد: ياخريجينا قبل لا تروحون ساعدو اخوانكم القادمين من مستوى سابع*انطباعكم عن المواد*
ادارة المشاريع : مادة حلوه وفيها كم من المعلومات تحتاج دراسة من بدري للي يبغى معدل مرتفع وليس مجرد درجة نجاح الاختبار كان اسهل من المادة نفسها وصعوبتها متوسطه برضو لاتعتمدون على رأينا في الاختبار لأنه كل سنه غير عن اللي قبلها "وحدة متعقدة من الاخلاقيات 😪ء"للاحتياط ذاكروها زين
بس بصراحه الدكتور ماجاب اشياء فيها لف ودوران وكانت اسئلته واضحه وسهله مع انه كان بإمكانه يجيب اشياء صعبه يعطيه العافيه والله لايغيره عليكم😝 اذا نفس الدكتور ماحسيت يحتاج متابعة للمحاضرات لانه كان يقرأ المنهج اغلب الوقت.
تعاقد وتفاوض : ماده كمعلومات وفيييره جدا وفيها تعداد كثيييررر للي من النوع مو حفيظ زيي لازم يركز ويحاول يربط الكلمات بشيء من التعداد على انه الملخص يعتبر قليل مو كثير لكن كم المعلومات هائل توفقنا الحمد الله هالترم الجيزاوي غير اسلوب الاسئلة وماجاب كم عدد الفقرات ومن هالاسئلة التعجيزيه الحمد الله الله يثبته على ماهو عليه وتعدونها بإذن الله بأعلى الدرجات👏 وتحتاج متابعه للمحاضرات شرح الدكتور حلو ويخلي المعلومه تثبت .
إدارة الجودة : حبيييتها وشرح الدكتور راااائع ولازم متابعة للمحاضرات تثبت المعلومه اكثر واكثر واثناء الشرح الدكتور يعطي طرق لحفظ التعداد وملاحظاته مهمه 👌 حبيت المادة جدددا كمحتوى رااائعه ان شاء الله تستمتعون بدراستها المنهج طويل شوي يبغاله من بدري تبدون خاصه انه احنا كانت اختباراتنا ورى بعض فماكان في وقت للدراسه مجرد مراجعه سريعه فالافضل البدء من بدري والاختبار الحمد الله كان ختامها مسك وكان يجنن وجاب كثير من الاسئلة السابقه وحتى الاسئلة الجديده كانت حلو وواضحه للي مذاكر مافيها لف ودوران المعادلات جاب لنا اكثر شي اسئله عن القوانين وايش معنى كل رمز شي سهل وبسيط ومسأله وحده بس تعويضها مباشر 👍.
قضايا ثقافية معاصرة : من اجمل المواد اختبارها يجننن باذن الله الكل يجيب فيها a+ على انه الماده منهجها طويل بس الاسئله تجنن وسهله وواضحه وكان من احلا الاختبارات 👍 ماتحتاج متابعه للمحاضرات هي عباره عن معلومات عامه لكن اللي عنده وقت ويحب المواضيع التاريخيه بينبسط عليها .
موضوعات خاصه في الادارة :صراحه الشرح للدكتور مولهناك وكلامه مو دايم واضح كنت اتعب وانا اركز على كلامه بالمحاضرات المحتوى منوع من اشياء كثير اخذناها سابقه مش صعب لكن الاختبار كان فيه لف ودوران وكان بإمكانه يجيب اسئلة اسهل من كذا كان يتوه شوي صراحه ركزو على طريقة وضعه للأسئله .
نجي للكارثة في هذا الترم 😪أخلاقيات الأعمال : وماأدراك ماهي الاخلاقيات ماده سهله كمحتوى ماراح تفهمون شي بدون متابعة محاضرات دكتورها معقد للأسف وأسئلته مادري وش تبغى وأول مره تمر عليه أسئلة بهالغرابة من يوم دخلت الجامعة غريبة اكثر من انها صعبه وتخليك تغير اجابتك مليون مره ماكان معتمد على الملخص قال لازم كتاب وجاب سؤال برى الملخص كان كل خمس اسئله يحطها كلها نفس الخيارات بالضبط !!خلانا نتوه ومانعرف فين الصح من الغلط وكان فيه أخطاء بالاسئلة الله يعوضنا في هالاختبار يارب 💔 غبنه على اللي مذاكر ومقطع نفسه مذاكر قهر على بساطة المنهج وسهولته الا انه عقده بالاسئلة غير انه ركز على كم محاضرة وخلى الباقي
وكل شي معكم تواريخ واسماء علماء وبعض النسب . الله يوفقكم يارب ويسهل عليكم واتمنى قدرت اقدم شي مفيد ولو بسيط لأني كنت احب واهتم اجي اشوف رأي اللي قبلي من الدفعات وكيف انطباعهم واحب التفاصيل عشان كذا قلت يمكن فيه احد زيي يحب يعرف التفاصيل 😝 ونأسف على الإطالة .
بالنسبة لمادة الاخلاق الاسلاميه انا ماخذتها من اول وناسيه صراحه كيف بس اذكر كان اختبارها سهل وهي ماده عامه سهله عموما👏.
ومبررررررررووووووووك مقدما علينا التخرج وباذن الله المعدل يتعدل ونتخرج بشي مشرف ويرضي خاطرنا 
|
|
التعديل الأخير تم بواسطة ذات الرداء ; 2015- 12- 26 الساعة 11:44 AM
|
|
|
|