|
رد: #فضفضه_خريج ( شاركوني ما قبل صدور النتائج )
ماشاء الله قصصكم توسع الصدر 
انا بعد ماتخرجت من الثانوي سجلت بفيصل انتظام كان وقتها المقبولين تطلع اساميهم بالجرايد 
طلع اسمي من المقبولات لكن اخوي الله يسعده حطمني وقالي الجامعه صعبه سجلي بمعهد احسن 
وانا مع الخيل ياشقرا سجلت بنيوهورايزن واخذت دبلوم تقنية شبكات وبعدها دورات بارامكو اقضي وقتي فيها ماكنت متخيله اني بدرس من جديد بالجامعه 
وسمعت ان فيصل بتفتح عن بعد وسجلت باول دفعه ادارة اعمال 
كان وضعنا مزري لانعرف اسلوب الدكتور في الاختبار ولا اسألة مراجعه ولاكويزات ولا شي
اللهم اطبعي ملزمتك وفصفصيها كانك بالثانوي وبتحلين تحريري 
المهم بعد سنتين خلصت 4 سمسترات جت السنه الثالثه اجلت ترم عشان الزواج وترم اخر لان راح علي التسجيل وحصل خربطه بالسستم وماقدرت اسجل وبكذا راحت علي سنه
والحمد لله كانت خيره ,, صار فيه طلاب كثير وصار فيه تعاون وتصوير اسأله الاختبار ووووو
الحمد لله من بعدها ارتحت كثير وعرفت ان اللي صار من تاجيل خيره
بس اللي ماانساه ومستحيل انساه وللحين حرته بقلبي فيه ترم رسبت في كل مواده ماعدا ماده وحده
لان السستم قفل حق الواجب والمناقشات وراحت علي 30 درجه بكل المواد
مريت بظروف في ذاك الترم ونسيت الجامعه ومن كثر مانسيتها تخيلوا راح علي اول اختبار مادريت ان الاختبارات بدت 
وكيف عرفت ان الاختبارات بدت ! صديقتي اتصلت علي قالت لي انتي اختبارك اي فتره بشوفك اليوم ولا لا !!
طلع اختباري اليوم اللي قبله من قوة الصدمه عصبت عليها وقفلت بوجهها 
حلفت اذاكر بكل مااوتيت من قوه هذاك الترم وللاسف كانت درجاتي كلها في الخمسينات يعني لو زدت عليها درجات المشاركه بنجح بكل سهوله ااااخ ياقهري
الحمد لله بس قدرت اكمل وماجاني احباط لان اللي حولي مستغربين كيف ماانهرت 
هذا اخر ترم لي ويارب اكون عديته اخذت فيه اخر مادتين وكنت مره متوتره لاني تعبت وطفشت ابغى اتخررررررج وارتاح خلاص وربي وش ذا اختي الصغيره دخلت الجامعه وانا لسى ماتخرجت 
شكرا يااخيس جامعه وجامعيين 
|