استمتعت بكل القصص وكل الكفاح اللي شاركتونا فيه والمواقف
وقررت اشاركم
انا كنت جدا متعلق قلبي بالطب منذو الصغر واهلنا يزرعون في عقولنا ان مافيه وظايف ولا طموح
الا دكتوره وبما ان خالي دكتور خلى الحلم يكبر
ولكن كبرت وتلاشى هالحلم
ودخلت ادبي عشان صديقاتي وكملت ثانوي وجبت معدل مرتفع وحلو
وبعدها سجلت بجامعه عبد العزيز انتساب تخصص اداره اعمال وخلصت سنه فيها وكانت صعبه جدا ولكن تفوقت فيها ولله الحمد واقدر اقول انها كانت بروفه قبل دراستي بجامعتنا فيصل وعادلت منها خمس مواد ماراحت ع الفاضي
طبعا بسبب ظروف عمل زوجي نقلنا الرياض وقدمت على جامعه نوره وانا مالي خاطر فيها وتعقدت الامور وماقبلو يسجلوني لين اجيب ورقه من جامعه عبد العزيز ورب ضارة نافعه قلت الحمد الله
المهم سمعت بجامعه فيصل وقلت لازم اكمل وسجلت فيها وكان زوجي يقول لا تصدقين انهم بيقبلون وسبحان الله كان عندي ثقة كبيره بالله بااني باانقبل وفعلا جاني القبول والحمد الله من اسعد اللحظات
واجمل الرسايل اللي لازالت محتفظه فيها رساله القبول وارسال البيانات
وسجلت وكملت وكنت بين طيحه وقومه في هالمستويات ولكن الحمد الله عدى المشوار بكل افراحه واحزانه
بالرغم اني مرها عندي حلوو لانه نتيجه تحقيق شي جميل بالنسبه لي وتخلل هالفتره وظاايف سجلت فيها وانسحبت للحفاظ على دراستي لانها الهدف الاهم بالنسبة لي
كنت استمتع بفتره الاختبارات رغم قسوتها احيان لكن احس فيها اختبار لي قبل ماتكون مقررات لازم اجتازها
وكان المنتدى هو الملاذ بالنسبه لي استفدت منه بشكل كبيرررر والله يجزاهم كل الخير اللي ساعدونا وعطونا من وقتهم الكثير
وبالاخير اعذروني ع الاطاله مودتي لكم
وباقيه معكم عندي مستوى تاسع لسى في حكايات احكيكم هيا بعدين
.gif "(204)")