|
رد: ♡ ' كل بكرا .. كان لـ أحلامي : أمل و الأمل لا زال بس بكرا .. بعيد !
سبحان من يرزق بتوع الملايين
الرازق اللي مايخيب الرجآ به
لي عم وعنده معرض للصوالين
أموت واعرف بس من وين جابه
واذا سألته قال بعت الدكاكين
مايدري اني ماهضمت الاجابه
الحاصل اني رحت له قبل يومين
في قصره العامر ودقيت بابه
قلت الصراحه طالبن قرب غاليك
ودي تزوجني كريمتك يآبـه
قآلو ولد مهر العروسة ثمانين
غير الرسوم وغير حق العصابه
والثانية عمك يبي منك سبعين
رسم الأبوه والنسب والقرابه
وأم العروسه حدها منك ستين
عشانها ست الحسن والمهابه
وأخوانها كلن يبي منك خمسين
عداً ونقداً تندرج في حسابه
وأخواتها الخمس عطهم من ثلاثين
عشان تتوثقق عروق النسابه
وجيب طقم عيار واحد وعشرين
وخاتم من الماس مصفى ترابه
وموتر بسواقه وفله بدورين
اثآثهآ من بطرته ينحكى به
وأحجز لنا قاعه بقصر السلآطين
وأحز بهآ رقاصتين وربابه
قلت أذكر الله ياعدو المساكين
واستغفره لايبتليك بعذابه
الظاهر انك منت عارف انا مين
انا لو أردى فوق متن السحابه
ماجبت حتى نص درزن مواعين
وأضحك بكيفك واعتبرها دعابه
قال انت لو فكرت تفكير صاحي
ماشفت في مجمل غروبي غرابه
حنا بعصر العولمه والمزايين
مهو بعصر الفلسفه والخطابه
الناس تسعى للرتب والنياشين
وانت اهتمامك بالشعر والكتابه
والشعر ماينفعك لو هو دوايين
مادام جيبك مثل بيت الخرابه
يابوك لاتسمع كلام المساخين
واسمع مجرب عاش وسط غابه
قلت الله اكبر يامحرر فلسطين
من يسمعك يحسبك ذيب الذيابه
تراك شايب راس مالك ريالين
والبنت ماتسوى جناح الذبابه
قال انقلع مالت على وجهك الشين
لاعاد اشوفك عندنا بالزلابه
قلت ابشر ابشر لكن الباب من وين
واقفيت من عنده على صوت بابه
حبييييييييييت  ياخي احلى شيء ان لاختها 30 فاتتنا و الا كان طلعتها من عيون رجال خواتي 
لازم يعيدون عرسهم و يعطوني حقي بس بالله فيه ناس كذا هي لها مهر و يشره اهلها بعد 
عز الله ما احد اعرس لو صارت عاداتنا كذا يعني مهر 80 و طقم و دبله و مفتاح الشقه ذي اللي عندنا اما الباقي احس الشاعر شطح بقوووووووه 
مع انه قاعده اشوف البنات يتنازلون في موضوع المهر مو زي قبل يعني مهور جماعتنا كانت توصل لل100 الف و الاجواد ييسرون و يطلبون 80 الف هالحين صارت المهور 50 و 60 عشان العرس يصير فخم و تروح الفلوس فيه مع ان 30 الف ماراح تغير شيء مره و عني انا بالطقاق العرس عرس و في وجيهم يصير زين شين ما علي منهم بس ريال واحد ما ينقص 
اييييييييييييه قلت الفلوس و قلوا الرجال فيه ذكور على ( افى) من يشيل بس ماعاد به رجال ..
و ماعاد به حريم بعد عشان ما احد ياكلني  بس ياخي الحرمه مهما صارت دبشه تظل انثى يعني لو قلبنا مسترجلات يحق لهم ينتقدون بس عاد رجال و صار اهتمامه شعري كيف اقصه و اساور و بناطيل و بوكسرات سبونج بوب اوووووفر اووووووفر ما اقدر اتحمل هالاشكال 
|