2015- 12- 30
|
#70
|
|
أكـاديـمـي
|
رد: .[ تعرفوا على دكاترة كلية العلوم الزراعية والأغذية *من هنا* ].
✋🏻سلاام يا جميلات جيتكم بعد سمستر طار بسرعه كيف مدري ..😳
اخذت مادة اساسيات الانتاج النباتي .. عند مها حديد المادة سهله وبسيطه وشرحها كان حلو بس اللي كرهنا في المادة ان اسألتها دقيقه وتحب الارقام وتطلب بحث تسوي مجموعات وتدقق بالبحث حيل ومايعجبها العجب تقسيم الرجات : 30 عملي 20 ميد 5 كويز و5 بحث 40 نهائي الحمدلله جبت عندها درجات كويسه ماكنت متوقعتها انصدمت والله  
العملي : اخذته عند مروه الدوغان شرحها حلو بس كانت تعبانه راحت وجابو لنا غيرها نهله الجمعان انسسسانه عسسسسسل تعامل وشرح الملزمه قليله حيل وهي بسططتها اكثر واختصرتها لنا وحذفت لنا كثير والاسأله كانت سهله وتهبل والغت العينات جبت عندها الدرجه الكاامله 👌🏻
اساسيات الغذاء والتغذيه:.gif "(177)") اخذت هالماده عند دكتوره هدى علي صالح الماده حلوه وشرح الدكتوره جميل وتعاملها يهبل تسولف وتضحك بس اسألتها دقيقه والله جبنا العيد موضوعيه واذا غبتي ماتعيد لك الا بعذر قوي جدا وتجيب لك مقاليه الاسأله وجهنم
العملي :اخذتها عند بهية الخرس. استغفر الله بس الواحد شيقول علت قلبنا الماده العمليه حيل حلوه وممتعه بس هي خربتها بحث وتدقق وشرحها حلو بس لازم تكتبين وراها واسلوبها خايسسسس وشديده والحضور مهم عندها وكل مره تغيييبين تنقصين نص حتى لو بعذر تقول العذر للحرمان بس وكل شي عليه درجات حتى قعدتك تنقصك عليها شديده ومتسببه واجباتها ماتخلص كل اسبوع سالفه ويوم خلصنا ماعطتنا الدرجات .. انصحكم تاخذون عند منى احسن..،
مقدمة في علم الاقتصاد : اخذتها عند نجاة الملثم : نايمه وصوتها واطي وماتشرح بس تقرا الملزمه حيل يقهر شرحها ما نفهم عليها شي بروفيسوره هي وكل شي عندها بايخ وسهل. غيروها جابو لنا غيرها بنص الترم اسمها امال جديده تجنن تعاملها حلو بس ماتعرف تشرح حيل بس كان شرحها احسن من نجاة والاسألة كانت موحده كل الدكاتره حاطينها وجهنم 😢😭 كان الاختبار من 15 الكويز حطته لنا اماال تجنن اسألتها حيل سهله وتافهه ومسكينه والله تشوف البنات يغشون وماتتكلم ..
العملي اخذته عند رقية العصيل مغروره واسلوبها يجلط شرحها مو ذاك الزود مره وحده ضحكت طلعت وقالت المحاضرة مشروحه ماعادتها لنا وماسوت لنا مراجعه والاسأله جهنم وماقدمنا زين بنات واجد درجاتهم نازله اسماء الحجيلي افضل بكثير
مهارات الاتصال والتعلم : اخذتها عند مها عبدالفتاح يججنن شرحها وتعاملها مستحيل تطلعين من المحاضرة مو فاهمه والواجب حيل تافهه وتحله معانا كل اللي علينا نكتبه ونجيبه عليه 10 درجات واسألتها حيل سهله ماكنت مذاكره زين وجبت عندها درجات حيل حلوه .gif "(204)")
الكتابه والتعبير : اخذتها عند عبدالله الملا انسان محترم وطيوب شرحه حيل حلو ومختصر يعطيك الزبده مايطولها ساعه ونطلع ومستحيل نطلع مو فاهمين وكذا مره قال لنا هالسؤال بيجي وفعلا يجي تهبل اسألته واختصر لنا الماده حذف لنا اكثر من 7 دروس ويطلب منا واجب عليه خمس درجات تجيبين قصه وتستخرجين منها لام قمريه وشمسيه تاء مفتوحه مربوطه تافهه وخمس درجات ع المشاركه انه يقول اسمك وتقرين من الكتاب معاه بس الميد 40 سؤال عليه 40 درجه والنهائي من 50
البيئة والمصادر الطبيعية : اخذتها عند دكتوره رحاب هالدكتوره غنيه عن التعريف تهبل تجنننننن شرحها حلو بس مااختصرت لنا شي اسألتها سهله في العملي والنظري وتطلب بحث بس ماتدقق عليه تجيبين عندها A. بالراااحه.. بس الماده دسمه وطويله
|
|
|
|
|
|