الله يعطيكم العافية ويوفقكم وينجحكم بالمعدلات الي ترفع الرأس
شكرا لك اخي وهم على الموضوع المميز والرئع جدا، استمتعنا بتجارب الاخوان والاخوات ومثابرتهم
وعصاميتهم وفههم الله لكل خير
انا بعد تخرجي من الثانوية دخلت جامعة الامام قسم لغة عربية (برغبة مني) ولاني احب اللغة العربية، وفي
المستوى الرابع حصلت لي ظروف خاصة اجبرتني على التةقف عن الدراسة والحمد لله على كل حال،
توظفت بالثانوي وظيفة جيدة والحمد لله، وبعد كم سنة (لازالت الدراسة في تفكيري ومصر على اكمال
الجامعة) شجعني احد الاصدقاء على اكمال الدراسة الله يجزاه كل خير، قدمت اوراقي عن طريق للبريد
للتجربة ، ولما اتاني القبول زاد حماسي لاكمال الدراسة، والحمد لله انا الآن على ابواب التخرج ان شاء الله
تعالى ..
اما بالنسبة للمواقف في ايام الامتحانات فهي كثيرة اذكر منها ..
في احد الاختبارات كان المراقب يبدو لي انه يعاني من شيئ ما ؟
جاء من خلفي وضرب على كتفي وقال ( كمل كمل باسوي نفسي ما شفت )!!!!
المشكلة انها في بداية الاختبار والمادة كانت سهلة جدا وانا واثق من مذاكرتي بس لعب في نفسيتي الله
يهديه ولا عرفت احل جلست ربع ساعة ثم ناديته وقلت له وش السالفة؟ شايف شي انت؟ قال لا حل حل !!
نساني كل شي حقدت من جد، لكن الحمد لله بعد ما هديت حليت زين، وطلعت من الاختبار ورحت مباشرة
لمدير المركز وقلت له الموضوع ومن بعدها ما عاد شفته .
واذكر من المواقف السيئة احد الاترام في المركز الي اختبر فيه كانوا يجبرونا
نحط الجوالات في كيس لحم
ونحطه تحط الطاولة !!!
صراحة كان شي مخزي، لكن مع كل ذلك تعتبر المرحلة الي قضيتها في الجامعة وبينكم اخواني واخواتي
من اجمل ايام عمري، فشكرا بحجم السماء لكل من ساعدنا سواء بكل شئ حتى ولو بكلمة، ستجدونها
ان شاء الله في موازين اعمالكم يوم تلقونه .
آسف جدا على الاطالة كنت متردد في الكتابة لكن مشاركاتكم الجميلة هي من دفعني لكتابة هذه الاسطر
وعلى الخير والمودة نلتقي ..