2016- 1- 1
|
#138
|
|
صديقة إدارة الأعمال
|
رد: #فضفضه_خريج ( شاركوني ما قبل صدور النتائج )
صباحكم رضا و راحه من الرحمن
قصتي مع الجامعة اني تخرجت من الثانوي قسم علمي بنسبة 99 % وكنت الأولى ع الدفعة كانوا البنات يقولون ي حظك اي قسم تبينه حتى لو طب بتنقبلين فيه
سجلت بجامعة الدمام وحطيت رغباتي بالتخصصات
و وقتها قعدت انتظر القبول ينزل تفاجأت بنزول الدفعه الاولى فالثانية فالثالثة وكلها ما نزولوا اسمي و ما انقبلت ب ولا تخصص هذيك الفترة كانت جدآ سيئة علي ومع نزول كل دفعه كنت اتحطم اكثر و ابكي من الصدمة حسيت جهد سنين اختفى بــلحظة
بعدها قال ابوي الله يرحمه"( ما يخالف نسجلك بجامعة الامير محمد بن فهد الخاصة كنت رافضة و مغبونة كيف اني اجتهد و اتعب و بالاخير ادفع اهلي عشان ادرس و بالفعل سجلت و كان لازم اروح لهم يختبرون مستوى الانقلش عندي و يسوون مقابلة و رحت وكان بالبداية لازم ادفع500 ع الاختبار خلصت الاختبار و المقابله و انقبلت
كان فيه بعثة داخلية و لها شروط رحت و الشروط كلها مطابقة لي بس بالبداية قالوا لازم تدفعين 10 الاف تحجزين كرسي :) وانغبنت اكثر غير المواصلات الي لازم ادبرها خاصه انها بعيده جدآ
وككملت اجراءات القبول بس قبل ادفع حجز الكرسي , بنفس الفترة قرأ ابوي خبر عن التعليم عن بعد بالجريدة وقال لي ادخلي و سجلي دخلت و سجلت و انقبلت الحمدلله و استقريت عليه
وها انا معكم  
اقول الحمدلله على كل حال و خيره يارب
|
|
|
|
|
|