هالترم كان عندي
تحليل الخطاب
والنقد الادبي
والترجمه التتابعيه
والترجمه الابداعيه
وعلم اللغة الاجتماعي
واللغة وتقنية المعلومات
وأدب أمريكي
وأدب أطفال
ومشروع التخرج
وجدول الاختبارات كان فيه خمس مواد ورى بعض مافي راحه
وجميع المواد ماذاكرتها الا يوم الاختبار بإستثناء النقد الادبي
ذاكرت جزء منها قبل اسبوع
وأحمدالله وأشكره على كل حال
صحيح إني هلكت في المذاكره لكن الحمدلله بعد ماشفت انطباعات الاختبارات
تأكدت إن شاءالله إني ناجح في كل المواد وباقي بس مشروع التخرج اللي ماغصني
هذي تجربتي الشخصيه وإن شاءالله تستفيد منها وانا مع أراء الاخوه والاخوات اللي قبلي
لو فيه مجال إنك تقسمها على ترمين احسن شي
لأن اللي أجبرني إني أخذها كلها هالترم إني عسكري وعلى الجبهه
يعني ماادري ربي يكتبلي آخذ شهادة الآخره قبل الدنيا ولا العكس
اما لو كنت في وضع غير هذا ممكن اني ازود ترم ولا اخاطر واضيع مرتبة الشرف الثانية
تبغى تاخذها في ترم واحد ترا مو مستحيل انك تنجح فيها وتتخرج
يعني الزبده تقدر تآخذها لو تبذل مجهود في مذاكرتها
يعني لو تخلصها قبل وقت الاختبارات وتخلي ايام الاختبارات مراجعه
بإذن الله تعديها بالراحه