2016- 1- 1
|
#2
|
أكـاديـمـي ذهـبـي
|
رد: موضوع خارج الدراسة ممكن مساعده ؟
https://www.youtube.com/channel/UCrF...zeov6iYx2SrIeQ
اليوتيوب فيه قنوات مره ممتازة ومفيدة في كل المواضيع اللي انتي مهتمه فيها
واما الفتوشوب فالبرامج اللي على الجوالات مو إحترافيه وتعتبر برامج بسيطة فقط
وعشان كذا تحصلي الكل يعرف يستخدمها
اما لو حبيتي تتعلمي الفتوشوب جد فالمفروض تنزلي برنامج الفتوشوب رقم 8 عربي
على الكمبيوتر وتشتركي في قنوات كثير مختصه في الفوشوب الحقيقي مو برامج الجوال
والفتوشوب الاصلي على الكمبيوتر يعطيك خيارات بلا حدود في التصاميم وفيه ادوات ماتتخيلها
يعني أنصحك دام عندك رغبه تتعلمي على الفتوشوب انك تتعلمي شي احترافي مو حق جوالات
وتراه سهل لو تتعلميه خطوه خطوه وانا تعلمته قبل ماينشهر اليوتيوب بنفسي بعد ماخبصت
على ايام المنتديات والتواقيع والتصاميم والصراحه من افضل الهوايات اللي استفدت منها على الكمبيوتر
اما الحين صار أسهل وعلى اليوتيوب كل شي موجود حتى لو تبغي تتعلمي ميكانيكا سيارات عادي هههههأإي
يعني أكتبي مثلآ في بحث اليوتيوب هالمواضيع وشوفي وش يطلعلك
اداوت الفتوشوب
اساسيات الفتوشوب
فوائد الفلاتر والفرش والإضافات في الفتوشوب
تعلم الفتوشوب من الصفر
تصميم الصور المتحركه بالفتوشوب
وكمان دوري على منتديات خاصه بالفتوشوب لان فيه مواد إضافيه ومهمه لتصاميم
تحصلينها هناك وشوفي باليوتيوب طريقة اضافتها على البرنامج بعد التحميل
واحب أكرر ترا الموضوع مره سهل لوكنتي هاوية تصاميم وبالتوفيق
تقبلي مروري
أخوك
|
التعديل الأخير تم بواسطة الح ـربي ; 2016- 1- 1 الساعة 04:38 AM
|
|
|