|
رد: #فضفضه_خريج ( شاركوني ما قبل صدور النتائج )
الله يسعدكم
وصلت الجامعه متأخر وفي مواقف السيارات وفجأه سيارة من الخلف ترتطم بسيارتي بقوه
والاختبار بدا فقلت للطرف الاخر دام انا سالمين واللي صار صار خلندخل الاختبار (كان محاسبه 2 ) ولا نخسر الاثنين .. فرفض اخر حاجه تركت مفتاح السياره عنده ورحت اديت الامتحان وقبلها اتصلت ع احد الاصدقاء وجا وتابع الموضوع الا انهم ركبوني الخطا لاني تركت الموقع
واذكر يوم دخلت القاعه طلبت الاعتذار من اداء الامتحان لان فكري مشوش الاان المراقب جزاه الله خير طمني وسمح لي اكلم جوال بعد اخذ الاذن من الرئيس والحمد لله عدت على خير ..
ولا انسى موقف اخر ..وفاة جدتي يرحمها الله قبل اختباري بيوم وكدت اغيب الا ان بن عمي جابني من مقبرة الدمام حيث الدفن الى الجامعه بالاحساء وجبرني على الدخول وكان تراب قبرها عالق في يدي وملابسي
والاختبار صار له ربع ساعه ..يالله حتى اله حاسبه ماعندي وقلبي حزين على غاليتي ..الله يرحمها وموتى المسلمين
والحمد لله رب العالمين وصلنا المستوى الاخير والله يتمم على خير ويفرحنا جميعا بالنتايج الزينه
|