المشاركة الأصلية كتبت بواسطة دكتور نت

شكلي بطلع على السيارة للجبيل و اذا وصلت الجبيل أشحن السيارة بسطحة لعرعر و أقول استلمها هناك و أطلع بسفينه من الجبيل لجده واذا وصلت جده أخذ تاكسي لمكة و أخذ عمره و اذا خلصت عمره أرتاح في جده يومين و أحجز طياره لتبوك و من تبوك أطلع بالنقل الجماعي لعرعر و اذا وصلت عرعر استلم السيارة من هناك و اطلب إرسالها للأحساء و اطلع من عرعر للرياض بالطيارة و اذا وصلت الرياض ارتاح يوم و بعدها اطلع بالقطار للأحساء و اذا وصلت استلم سيارتي و ارتاح ذيك الليلة و الصباح أطلع للجامعة و استفسر عن النتايج يقولون تابع الموقع و ارجع للرياض و اجلس بالرياض اتابع الموقع و يهنق و يصير ادخل ع الموقع هنا نلاقي تنبيهات و مواضيع عن النتايج و نلقى الناس تكتب يا شباب عطوا غيركم فرصة اللي يفتح معاه الموقع يصور الشاشة و يسوي خروج عشان غيره يدخل و يقلب الصورة على كيفه و يجمع و يطرح براحته و لا يكون سبب بحرق اعصاب غيرة و يعلق الموقع و ارجع بيتنا واتابع الدخول كل شوي و ادخل بعد معاناة و ألقى نفسي ناجح بكل المواد و أشيك على الدفعه و الاقيهم كلهم ناجحين و نستانس و نبارك لبعض و نهني بعض بالنجاح .
هذا عملاْ بنصيحة الأخت ميمو بنت ناصر تقول اشغلوا نفسكم بأي شي عشان تعدي الأيام بسرعة .
نسيتوا ان الأيام اللي نبيها تعدي بسرعة هذي أيام محسوبة من عمرنا و الا على بالكم ان العمر كل يوم يزيد يوم ( احس كرهتكم بالنتيجة ) لكن كل الهجولة هذي من الجامعة يعلون الواحد على بال ما تطلع نتيجته اخوي يدرس بجامعة الملك عبدالعزيز ما يمديه يخلص اختباراته و يتمغط الا كل يوم يومين تطلع مادة و لا هلوسوا فيه مثل حالتنا ... لكن الله المستعان
عاد برجع لمحور حديثنا وش رايكم تبون أكمل لكم بعد ما طلعت النتايج ... هم قصتين
الأولى : يوم قررت أشحن السيارة و ارسلها عشان اشغل نفسي على بال ما استلم الوثيقة
الثانية : بعد ما استلمت الوثيقة و قررت أدور على الجامعات ( لا حظوا قلت أدور على الجامعات مو جامعة جامعتين لا كلهم و لا قلت أراسلهم لا أخذ من الراس للراس ) و هذي فيها عدة فصول و عدة مواقف .
مما يحسب للجامعة انها تهستر فينا 8 فصول و يطلعون مواهب مدفونة نتيجة للضغط العصبي .