[align=justify][/align]البارحه شفتك مثل شوفي العام
فالحلم مير الحلم مافيه حيله
قلتي سلام وعشت في حلمي احلام
قمت اتفكر فالليال الجميله
شفت الجمال الي انغطى سنين بلثام
الي براني من سنينٍ طويله
قامت تجر الذاكره ذيك الايام
ردت ربيع العمر في حلم ليله
واشتقت للماضي لو الشوق له سام
يوم الزمن بيّن مع الحظ ميله
وصحيت من حلمي وانا ضلوعي حطام
ليت المنام يطول واقدر اطيله
ولا الحضور الي بالاحلام صرّام
يصير علم لخاطرٍ عزتيله
لاجلك عزلت النفس وانلام وانظام
اشيل حبك لو ذبحني مشيله
ياليت لي قلبٍ على الوصل مقدام
وافرح عيونٍ من فراقك عليله
لكن بيبقى الوصل بالحلم مادام
مانتي من الجيران ولاالقبيله
المعذره على عدم التنسيق
سعد الروقي