المشاركة الأصلية كتبت بواسطة الفجر المنسي

صباحووو ماشاء الله الردود مررره جميلة ومحفزه

محدثتكم اليوم من الخبر العاصمة الضبابية شتاءا ههههههه

اليوم ضباب والجو جميل ورايق وجالسة اقرا ردودكم وكلامكم الراقي

اوافق اختي جنون الحياه اللي قال بيتزوج ثانية حسيت بحرقة وقهر بقلبي مع اني مالي شغل بس هذا شعور طبيعي للبنات ههههه

من جد حاسة بتبلد عشان النتيجة بس اليوم حسيت بشعور كذا خوف وهواجس ان لو رسبت لا سمح الله

وخصوصا الاخ اللي قال باقي 9 ايام حسيت النهاية ويييييييييييي
كاني بزحليقة نازله

عاد انا افكر ايش بوزع بالدوام دونات ورق عنب فطاير كيك ههههههههه امخمخ

وابني احلام اقول ان شاء الله اذا تخرجت بسوي لي حفلة بمزرعه والم اهلي واحبابي ونسوي بوفيه


معلش معلش خلوني احلم شوي اليوم الخميس

الله يسعدكم يارب

المشاركة الأصلية كتبت بواسطة أورانوس

الله يسعدكم ويسعدنا جميعاً بالتخرج بأعلى المستويات ..

الحقيقة سبب دخولي للجامعة هو لفتح مجال وظيفي أوسع إن شاء الله .. وكذلك للابتعاد عن جملة "مستوى التعليم :ثانوية عامة"

من هنا بدأت حكاية البحث عن الشهادة الجامعية ..

البداية كانت بجامعة الملك سعود إنتظام بتخصص لغة عربية .. ولكن كان جدولي مسائي وكئيب :(

اصلي المغرب وارجع للقاعة علشان محاضرة نحو والجو كئيب والمادة صعبة .. لكن انقبلت بوظيفة وماكنت مالي يدي منها لذلك كلمت الدكاترة يحضروني لين اشوف وضعي بالوظيفة .. وفعلاً ماقصروا الله يسعدهم وين ماكانوا .. تركت الجامعة بعد كم شهر واخليت الطرف وكملت بوظيفتي ..

تعاونت انا واحد الزملاء وسجلنا بالجامعة العربية المفتوحة وكانت وقتها بالأحساء وكنا أول طلاب يسجلون بالجامعة .. لكن كانت مشوار وفوق ذلك صعبة ويطالبوننا بأشياء كثيرة وبعدها فقدت حماسي للجامعة .. وتركتها بعد. ههههه

كلمني أحد الشباب عن جامعة الملك فيصل وسجلت وانقبلت إدارة أعمال .. ولكن انتقل مقر عملي ولا دفعت الرسوم ما كنت اعرف انه بإمكاني أختبر بالرياض .. وبعد سنتين رجعت وسجلت مع اخوي والحمد لله مشت أمورنا .. الدراسة بهذي الجامعة واضحة وطريقتها سهلة والإهمال مننا احنا مو من الجامعة صراحة .. الجامعة قصرت فقط لما كتبت بالوثيقة انتساب واتمنى تتغير بالنسبة لنا معشر الخريجين الآن ..

اختبرت في عدة مناطق .. والأفضل من وجهة نظري كانت مراكز مدينة الرياض ..

رسمت جدولي إنه اخذ المواد اللي فيها معادلات وصعوبة من بدري واترك مواد الحفظ والإطلاع اخر شيء .. ابي اشوف اذا أموري طيبة فيها كملت واذا ماعديت دورت جامعة ثانية "ارحمنا يا شيخ . ههههه"

والحمد لله كانت المواد الصعبة من المحاسبة .. واتذكر وحدة من المواد كانت صعبة بنظري وعجزت أفهمها وكان فيه واحد من الأعضاء كتب موضوع هنا عن المادة بعنوان شرح شيبان .. وفعلا استمتعت بالشرح وفهمت ولازلت محتفظ بالمذكرة ..

أشكر الجميع هنا .. فعلاً قضينا أوقات سارت بسرعة الريح وأراها الآن كالسراب وقد أعطتنا ظهرها ..

اللهم اجعلها ذكرى خير يارب العالمين ..


/



\



/



أخوكم أورانوس
888

المشاركة الأصلية كتبت بواسطة طموحي يدفعني