[align=center]
والعذر يعوى مره(ن) ومره قنب
وأنا على صوته / / نويت النوال
ازريت أبعد عن طريق الصخب
وأرمي مغاريف العذر بليا حبال
والواجب المحتوم لا منه وجب
اتبع طريقه والعذر سيد الخصال
يافارهه والصدق + يجمعنا نسب
وانا ورب البيت مآ ارضى لك زوال
كبرت مشاريه العرب عند العرب
وصغرت امام عيونهم مثل الخلال
الذنب مجهول الهوية والسبب
ما تعمدت الخطأ يابنت الحلال
والسمعة الزينه ما تهوي للركب
مثل البهار اللي تكبر بالدلال
والقصيد الهام في وقت الطلب
لولا الطلب ماصار للفكره مجال
ياما كتبت أبيات والقيت الخطب
وياما نحت الحرف بأطراف السلال
اكتب لها يمكن تحس يمكن تحب
واكتب لها من غير حرب ولا نزال
لعلها من فرحها ......تلعب طرب
وتنسى جروح الأمس وهموم الليال
ويطيح من بعد الزعل رمث الحطب
ونبي من صروح الأمل جرف منهال
ودي على غصن العتب نجني عنب
وندمح خطأ الأصحاب لو هي جلال
وخالقي لولا السهر + لولا التعب
ماينفتر حبك القصيده والجمال
شاعر ليا ضاق الورق حبره رحب
وابيات شعره كنها طيف الخيال
كله لاجل اعيان مكحول الهدب
اللي تذير مافهم معنى السؤال
والماس والفضة مع جنية الذهب
مني هديه للغضي... لوهي قلال
.
عبداللطيف القحطاني
.. الشاامخ
[/align]