شفت لك رد تقول ، او فيه حضور
ابقول لك وش عليك بالجامعة ، اللي بقولك الاشياء الروتينيه اللي بتسويها
- تدخل عن طريق البوابة .. وعندك كل ماده لهـ 14 محاضره ( مسجله سابقا ) تحملها
-وعندك لها 3 واجبات
-وعندكا 14 مناقشه < زي المنتدى تكتب رد
+3 محاضرات مباشره ( تحضرها بالنت بشكل مباشر علشان تستفسر من الدكتور ) او تحتريها تنزل مسجله في البوابة وتحملها لازم
وبكذا تاخذ 30 درجة ، يبقى لك 30 وتنجح
الاختبار النهائي من 70 ، وعدد الخيارات 50 خيار كل سؤال عليه 1.4 < تحل (21 -22 ) سؤال تنجح
الاختبارات مو تلك الصعبه ، الدكاتره يتعاونون معك ( مو كلهم ) ولكن نقول 70-75% منهم
طيب بفصل لك بالمشاركه:
طيب التحميل اللي تسويه وتحله لكل ماده ( هذي تسويها بسهوله كانك تضغط على روابط ) يعني لا تحس انها كرف ، وايضا المناقشات 14 < انت تنسخ وتلصق ، < عادي
واما الواجبات 3 < هي 3 اسئله خيارات < تحلها بسهولة
^ يعني ما تخذ منك وقت ، بعض الطلاب اذا انت شخص مشغول ( يخلون المكاتب يحلونها لهم ) بس لازم وانت تخطي هذي الخطوه ما تخليه يدخل من نفس الاتصال < لانهم اذا كشفوك ماينزلون لك الدرجه 30
الان التخصصات اللي ذكرتها فوق
اعلم التالي ، االانجليزي + علم الاجتماع عدد المواد كثيره يعني بالترم بمعدل 7-8 مواد !!
اما ادارة اعمال بمعدل 5-6 < وهذا شي كويس تحس انك انسان شوي
مدة الاختبارات 14 يوم منها يومين "يوم الجمعه" مافيها اختبار ، تحضر في مدرسه قريبه من حيكم اذا كنت ( في مدينة ) واذا كنت في منطقة فيها قرى ، اعتقد يكون فيه مدينه قريبه يعني < هم يحاولون قدر الاستطاعه ما تكون المسافات بعيده < هذي هي الزبده
طيب ادارة اعمال "فيه حساب"
الانجليزي وعلم الاجتماع " لا "
^ عدد الصفحات في الانجليزي بين بمعدل 40 صفحه للمناهج يعني فيه مناهج 100 فيه مناهج 20 ولكن قل 40-60 < كمعدل
طبعا حقين الاداره يقولون احنا اصعب < وانا اشوف انها كلها سهلات وخاصه اني احسدهم على عدد موادهم صراحه .. لان الدكاتره متعاونين هي تعتمد على الدكتور اما عدد الصفحات كلهم بهذا المعدل ^ اللي كتبته لك ، حتى الانتظام بهذا المعدل .. هم موادهم اغلبها (3 ساعات ) احنا كل موادنا اغلبها ساعتين ولكن فيه بعض بكل ترم ماده 3 ساعات ..
^ طبعا الساعات ما تفرق لان كل المواد عليها (14 ) محاضره < والمده حسب الدكتور يبي يخلي المحاضره ساعه او نصف ساعه او ساعتين < هذا اذا انت تبي تشوف المحاضرات اصلا xd ههههه
المهم الملزمه اسألهم هل هي بين 40 الى 60 صفحه < اذا قالوا ايه فاعرف ان امورك كويسه < ممكن فيه مواد الحسابيه تكون اعلى < طبيعي هذا الشي
طبعا ( عدد الساعات ) تدخل في المعدل يعني الماده تكون من 15 نقطة اذا كانت 3 ساعات واذا كانت ساعتين تكون من 10 نقاط
يعني اذا اخذت a بدل a+ في ابو 3 ساعات تكون 14.25 .. اما ابو ساعتين تكون 9.5
^ انا احاول افصل لك في امور قد تكون تهمك ..
المهم بالتوفيق