|
رد: ♡ ' كل بكرا .. كان لـ أحلامي : أمل و الأمل لا زال بس بكرا .. بعيد !
{...
فيه اشياء و مواقف تظل في ذاكرتك ما تنمحى و لا تروح ... خاصة المواقف اللي صارت في مرحلة الطفولة ... يعني سبحان الله فيه ناس حبيتهم و كرهتهم حسب معاملتهم لي و انا طفله يعني لو احد قد هزأني و انا صغيره ما انسى تهزيئته لي و للحين احقد عليه ههههههههههههههههه .. ( قلب بعير ما تنسى ) ..
المهم من المواقف اللي ما انساها ابداً ابداً ابداً و بعد ما كبرت فهمت الموقف و حللته و بان لي شيء ما كنت راح استوعبه لو انقال لي بطريقة مباشره لكن لما وضعت وسط هالموقف و طبقته بنفسي فهمت شيء و وصلت لي الفكرة مع انها ما انقالت لي ..
لما كنت صغيره تقريباً 6 الى 7 سنوات كان ابوي الله يرحمه معودنا انه اول ما يرجع من صلاة الفجر ياخذنا انا و اختي و اخوي اللي اكبر مني .. نروح اول شيء نفطر في بوفية شاميه و بعدها نمر السوبر ماركت نقش حلويات و بلاوي ههههههههههههههههههه  و نرجع للبيت احياناً و احياناً نطلع اماكن اخرى اما مكتبه او ملاهي ( ملاهي الحكومه هههههههههههههه اللي في الحدائق ) ... الزبدة ذا روتين يومي كان لنا في يوم من الايام رجع الله يرحمه و حنا طبعاً مسنترين عند باب الحوش ننتظره عشان نطلع على طول دخل و جينا نطلع قال وين قلنا نفطر قال لا اليوم ماعندي فلوس حنا طبعاً كذا   انه وش ماعندي فلوس ماعمرها انقالت لنا ذا الكلمه و طبعاً بكينا و كيف و روح جيب فلوس و حركات بزران قال ما اقدر بس ادعوا قولوا يارب تجينا فلوس .. قمنا ندعي و نمتر الحوش ههههههههههههههههههههههه شوي الا نلقى خمسه ريال طايحه في الحوش كيف جت من وين ما ندري و لا فكرنا و لا كان همنا من وين جت اهم شيء جت الفلوس حتى 5 ريال ما تسوي شيء بس ما كنا ندري انها مبلغ تتافه و نلقطها و نركض لابوي نصحيه لقينا فلوس لقينا فلوس قام يضحك و قال يالله البسوا و طلعنا زي كل مره هل الخمسه تفطرنا و تودينا نشتري حلويات و ترجعنا للبيت طبعاً لا .. كلها كانت مسرحية و حنا كنا الابطال .. و ابوي كاتب هالمسرحيه لانه هو اللي رمى ال5 في الحوش يوم شاف حماسنا و دعانا  عشان نتعلم شيء واحد بس انا اذا بغينا شيء و ما لقيناها ندعي و ربي يعطينا اياه .. هالموقف ما يروح من بالي ابداً ابداً دايم اتذكره لانه موقف علمنا كيف نطلب من ربي كل شيء و لاني اشتقت لذيك الايام و للاشخاص اللي كانوا موجودين فيها ... 
افكر وراعين هالوقت لو نسوي هالحركة لهم تتوقعون تمشي عليهم ؟؟ 
-
|