|
الدرجة 79 , يتخصص بها أحد الدكاترة لجميع الطلبه في التدريب الميداني 3 !!
,
السلام عليكم ,
بعد الاطلاع على كذا موضوع للطلبه بخصوص مقرر التدريب الميداني 3 !
وجدت ان القاسم المشترك بين الجميع الدرجه , 79 !!!!
مافيه مجال للصدف في هذا الموضوع طالما عدد كبير تضرر بهذي النتيجة من هالمقرر !
مع العلم انه مو اول مره نسوي تقارير تدريبيه سبق واخذنا تدريب ميداني 2 وكان اكثر صعوبة وحصلنا فيه على قد جهدنا .
هل يعقل ان نجتمع بالصدفه في درجة 79 بالضبط ؟ مع العلم ان بقية الدكاترة انصفو الطلاب في تقاريرهم ! انا وزميله لي سوينا التقرير في نفس المكان وفرق بين درجتي ودرجتها وافضل مني بمراحل على رغم ان الخطوات المطبقة وحده ؟!
اغلب المتضررين معدلاتهم امتياز مع مرتبة شرف ولا كانو ياخذون هذي الدرجه في اصعب المقررات !
اغلبنا ترك بيته ومسؤولياته ودوامه حتى يخلص امور التدريب بذمة وفائدة ’ وبالنهايه يحصل 79 ! لان الدكتور الموكل ماعنده فرصه يطلع على تقاريرنا ؟
يا دكاترة ياكرام انظرو لنا اننا طلبه نختلف عنكم اذا انتم مستواكم الفكري اكبر من تقاريرنا انصفونا طالما اننا طبقنا الخطوات المذكوره واتركو لنا الفرصه الكافيه نعالج مشكلة التقرير حسب وجهة نظرنا طالما حصلنا على حلول تناسب مع الموقف ولا تخلقون اعذار لدرجة الـ 79 بسوء اعداد التقارير سبق واطلعنا على تقارير من سبقونا واستفدنا منها حسب توجيهاتكم السابقة .
وين راحت مجهوداتنا طيلة الاسابيع اللي فاتت ؟ اذا الدكتور الموقر مايبي يطلع على التقارير على الاقل يعطينا درجه افضل من 79 ولا ينسف جميع مجهوداتنا .
اتمنى منكم جميعا ياللي حصلتو على 79 , تكتبون اسفل هذا الموضوع حتى يتم تصعيد الموضوع اكثر ويوصل لادارة الجامعة , + لاحد يستهين بايقونة التظلمات . + والله وبالله لو ماحسينا بظلم بهذي الدرجه كان ماعملنا هالموضوع من الاساس لكن لازم نتكاتف كلنا ونوصل صوتنا عن تلاعب الدرجات واستهتار بعض الدكاترة في انصاف الطلبة .
بداخلي كثير لكن اترك المجال لكم ولاتنسون تعقبون على الموضوع دعمكم ضروري لايصال وجهة نظرنا + تنبيهاتكم الله يعافيكم 
التعديل الأخير تم بواسطة .Perfect ; 2016- 1- 9 الساعة 04:35 AM
|