حالي تردى بعد دكتورة اسنان
زادت بي الاضرار ماعالجتني
لج الخفوق بلجة الضرس شفقان
من الملامح شفتها واحرجتني
منها ذكرت صويحبي والوضع شان
اشواقي اللي غابت سنين جتني
قامت تبحّث خافيٍ عبر الازمان
على سنينٍ ماضيه فرجتني
وقتٍ طوينا فيه صفحه بعنوان
هرجتها من نظره وهرجتني
يوم الحياء له عندنا فالهوى شان
لاقدر اسمجها ولاسمجتني
ياليت قلبي قاسيٍ مابعد لان
كان البنيه مابعد وهّجتني
ويبقى الهوى قصه على كان ماكان
حتى ولو بيدينها بنجتني

طبعاً اغلب قصايدي اقدر اقول عنها قديمه تكتب ثم تحفظ لكن حبيت انكم تطلعون عليها.
سعد الروقي