دكتور الصادق كرشيد مره يساعد الطالبات بس يحب تقومين وتشاركين أسئلته سهله ويعطي درجات حلوه بالبحث بس مشكلته يطول بالشرح بس ولا باقي الأشياء تمام درست عنده مرتين وكل درجاتي مره كويسه والبنات أغلبهم a,b
شريفه الصافي مادرست عندها هي رئيسه القسم الكل يمدحها ويبي يدرس عندها مالقيت احد ذمها
دكتور سميه ابراهيم يازينها دكتوره سودانيه تشرح بضمير وتفهمك البنات يعتبرونها تطول بالمحاضره لأن عندها علم واسع ماشاء الله ومعلومات كثيره الله يسعدها وماتظلم أحد ماتحب البنت الي تغيب تعتبرها متسيبه البنات وأسئلتها حلوه وتطلب عرض اختبار وممكن بحث للي مايبون عرض أنا درست عندها مواد العقيده روعه بس نصيحه ماده عامه البنات يقولون تتوسع بالنظريه مره وماينصحون فيها فأنا أقولك لو شفتيها عقيده خوذيها وأنتي مغمضه بس نظريه أساسا المادة دسمه مره والدكتوره شوي تتوسع أنا عن نفسي أحبها فما أدري عنك
اماني عثمان ومحمد الطيب ماعرفهم
محمود مبارك درست عنده مفسرين ممتاز وشرحه جميل دكتور سوداني
دكتور سيد عرابي الكل يذمه ويسبه للأمانه هو شرحه ممتاز واضح وأسئلته نص ونص مشيت عنده بس لو في غيره أفضل تدرسين عند غيره لأن زي ماقلت لك المادة شوي دسمه
إن شاء الله أكون أفدتك