أنا أشوف أنه حق من حقوقهم ومانقدر نعترض بما أننا لما سجلنا كنا عارفين بهالشيء
والجامعه كانت تراعي الطلبه الغير قادرين على التسديد وتأجل أغلاق الأنظمه من سنوات
لكن الطلبه مصخوها .. وصار الغالبيه مايسدد ألا بعد الأختبارات !مع أن بعضهم قادر
لدرجة أنها في أحد الأترام أقفلت النتائج فقط على من لم يسدد ..
وبدأت الشكاوى زي هذا الموضوع بالضبط
لييش مانشوف نتيجتنا .. ظلم .. ارفعوا شكوى .. راسلوا الفريدان وأزعجوه .. نبغى نتايجنا .. ماعندنا فلوس
جامعه همها فلوس .. جامعه ماديه
..
ويضحكوني اللي يقولون هدف الجامعه مادي
لعلمكم التعليم عن بعد مو زي الجامعات الحكوميه مدعوم مادياً من الدوله
فخلوكم واقعيين شوي .. زي ما أنت تبغى حقوقك .. حتى هم يبغون حقوقهم
الجامعه تستأحر لنا مراكز الأختبارات .. وتدفع للمراقبين..
ولأدوات الأختبار من أقلام وأوراق وحتى المويه وغيره
شحن أوراق الأختبار من جميع مدن المملكه لأحساء بعد الأنتهاء منها .. توفير ألات تصحيح الأختبار
رواتب للمبرمجين حق هالآلات والمصححين
دفع رواتب الدكاتره ودعم الموقع الأفتراضي والبلاك بورد وتوفير السيرفرات
من غير اللي يشتغلون في الخفاء زي الدعم الفني من تنزيل المحاضرات وصيانه
وزياده الطلبه اللي في الضمان دراستهم مجاناً
والحين صارت تشحن وثائق التخرج مجاناً
..
يكفيني أنها وفرت لي حلم أكمال الدراسه .. بعد أن فقدت الأمل
هذا الشيء اللي يخليني أتسلف فلوس الجامعه في بعض الأحيان ولا أني أأخرها