ملتقى طلاب وطالبات جامعة الملك فيصل,جامعة الدمام - عرض مشاركة واحدة - جامعة الدمام فتح باب القبول للدراسات العليا بجامعة الدمام بتاريخ 22 - 4 -1437هــ

غيم تايه · 2016- 1- 13

اقتباس:

المشاركة الأصلية كتبت بواسطة ماستر الشرقيه

اليوم اختبرت قدرات وذا بعد تعجيزي كان لابعد حد رغم اني مذاكره كويس وكنت ناويه على الستيب بعد اسبوعين اختبر لكن عقب اليوم خفت مره ومااعتقد يكفيني اسبوعين اذاكر هل فيه مجال اذا فتح التسجيل اني اقدم بدون ما ارفق درجة الستيب ؟ احتاج شهر عشان استعد ومع شرطهم في الدرجه المهوله ذي مايمديني اختبر قبل التسجيل ، في التقديم لجامعة الملك فيصل انت قلت انه ممكن ترفق الدرجه بعدين وقدمت على كلامك ذا بنية اني اختبر هل ممكن ذا مع جامعة الدمام ؟

نعم قلته، وخلينا نحسبها سواء ونكون متفائلين.. لا اشاروا إليها في التعليمات، ولا شددوا على ذلك في اعلانهم ولا حتى تطرقوا له ... ونظام الجامعات تقوم بمطابقة الأوراق للمقبولين، وإكمال المطلوب مثل: إحضار موافقة جهة العمل
والدرجة المطلوبة في اللغة، او المنحه، وهذا يسمونه قبول مشروط..
إذا ما استطاع المتقدم انه يحقق المطلوب يقدم تأجيل سنة.. وبعدها لا يمنح اي فرصة..
ارجع لألية التسجيل بالقدرات بعض الجامعات مثل عبدالعزيز تعتبر درجة القدرات امر اساسي جدا
لأنها لا تعتمد على الاختبارات والمقابلات الشفوية،، هي تعتمد على درجة موزونة من المعدل والقدرات..
وبدل المقابل تعتمد مدى قرب التخصص او تشترط مواد تكميلية ..
لكن في جامعة فيصل يختلف الحال.. تعتمد على الاختبار والمقابلة .. وعلى ضوءها يحدد القبول من عدمه.
ولنفرض جدلا حصل غير ذلك انت اصلا ما عندك اختبار واسمك قدمتي بدل ما تضيع الفرصة..
لا تشيلي هم ان شاء الله بتختبرين وبتلحقين على تقدمين لهم الدرجة المطلوبة...
الأهم من هذا هو سؤال من جهة جامعة الدمام وهو رائع جدا جدا..
واجابته حددت بضرورة وجود شرط اللغة وارفاقه وهو الفقرة الخامسة في المستندات المطلوبة..
و ركزي وانت تقرئين في الفقرة السابعة من الشروط العامة.. تتضمن لابد من تحقيق الشروط الخاصة للبرنامج...

بإذن الله اختبارك في القدرات بيكون رائع، واستعدي واختبري الستيب وارفعي من الأمل والهمة..

هذا اعلان الجامعة : ( اعلان التقديم على برامج الدراسات العليا ) حملوا المرفقات فيها شروط كل برنامج
والتي يتم التقديم عليها..

بالتوفيق للجميع""