ملتقى طلاب وطالبات جامعة الملك فيصل,جامعة الدمام - عرض مشاركة واحدة - محتوى مقرر خايفة ارسب في النحو !! ما هي الطريقة للنجاح في المادة

Doremi · 2016- 1- 14

اقتباس:

المشاركة الأصلية كتبت بواسطة .lovely meme

مساء الخير

الحقيقة خفت من المادة بعد نسبة الرسوب فيها و انا سجلتها من ضمن مواد . انا ابي منكم حل لهذا الخوف ...هل احد منكم ذاكر من اسئلة او ملفات اسئلة و اجتزتوو المادة اتمنى احصل على الجواب :cry111:

لا تخافين من الرسوب.. بس خافي من درجات أقل بكثييير من فهمك.
ما أقصد أن هذا الي بيصير لك ، لا أنا أقصد أنه بأسوأ الأحوال ممكن بيكون كذا، أما الرسوب شيليه من بالك..

أنا كنت حاطه الرسوب ببالي صراحه لأنه مثل ما سبق وقلت هو خرج عن المنهج وجاب عن قواعد نحويه مب من المنهج يعني ما درسناها.
وما انتبهت إلا بعد ما نزلوا صور الأسئله واكتشفت أنه خرج عن المنهج بقواعد ما شرحها أصلا ً ..

كنت ولازلت خايفه من حلوله ولا أضمن أنها صح.. بس هالسالفه ماتفيد أوضحها أكثر فخليك في الإيجابيات..
احنا اشتكينا والدفعه الي قبلنا اشتكوا.. فرضا ً شالوه بتكونون كسبانين لأن مهما بلغت نذالة أي دكتور ما بتوصل أنه يحل الأسئله غلط ويعتمدها في الاختبار <-- تبقى هذي النقطه تمثلني لأن الأغلبيه ما يوافقوني فيها..

وفرضا ً ما شالوه بتكونون عارفينه كويس أنه ما يصدق بأي كلمه يقولها لكم عن الاختبار..

ومن الايجابيات بعد أنكم مأجورين على تحمله

إذا انتي بتاخذين الماده خلاص خليك واثقه وسوي الي عليك، لا تفكرين بالسلبيات.
احنا نخطط ونحوس ونفكر ونشيل هم وبالأخير ربي يكتب الي فيه الخير..

أنا ذاكرتها من بدري وختمتها أكثر من مره وفعلا ً ربي ما ضيع تعبي، صح ما جبت علامه حلوه على قد تعبي بس عالأقل ما رسبت ..هم للأمانه أعطونا درجات لأن فيه كثير كانوا خايفين يرسبون ونجحوا..
بس ان شاء الله انتوا ما تحتاجون تشتكون ويكون حظكم أحسن منا

والماده الحمد لله ساعتين مب 3، يعني ما تأثر عالمعدل بالشكل الخارق ..

موفقه