|
رد: خايفة ارسب في النحو !! ما هي الطريقة للنجاح في المادة
صباح / مساء الورد
بقولك طريقة اذا حبيتيها وحسيت انها بتنفعك طبقيها .. كنت اول اسويها>> اول قبل جامعة فيصل أيام الاجتهاد.gif "(269)")
اولا
اذا كان خوفك من الرسوب...الماده الي واضح لي من اسمها ان اغلبها قواعد فخذي لك منهج معين في فهم القواعد وشواذها وكتبها بطريقتك الخاصه حتى لو تكتبينها بالعربي المهم تكونين فاهمتها صح حيث لو جاب اي مثال تطبقين عليها طريقتك وتحلينها . وكل مره ناخذ فيها قاعده اكتبيها بمفهومك واذا فيه تشابه في القواعد اكتبي كيف تميزين بينها ... هذا الكلام من بداية الترم كل محاضره تخذين القواعد الي فيها وتكتبينها بطريقتك انتي
ب يكون لك فيه نهاية الترم ملخص بالقواعد ترجعين له .. الاسابيع الي قبل الاختبار تراجعين هالقواعد وتطبقين عليها بامثلة اكثر
يوم الاختبار بيسهل عليك المنهج ككل وبيبقى لك الحفظ
المهم قبل تدخلين الاختبار اخر مراجعه تكون ع القواعد .. ادخلي الاختبار وكتبيها في الهوامش في دفتر الاسئله قبل تقرين اي سؤال او تاخذين نظره ع الاسئلة
وبعدها اقري السؤال وحليه ذهنيا وراجعيه بالقواعد ع السريع .. اذا كان مره فيه غموض ابدي استثني لين توصلين للقاعدتين او الثلاثه الي شاكه فيها وركزي ع شواذها اذا فيه واختلافاتها
وباذن الله تجتازينها بسهولة ..
اما بالنسبة للاسئلة الي من خارج المنهج فالاغلب مابتكون كثيره .. فلا تفكرين فيها وادعي الله يكتب لك التوفيق ومابيخيبك سبحانه
وترا الخوف في بعض الأمور شي ايجابي
ان شاء الله خوفك ذا ينولك انتي ومن يقرأ الامتياز بالنحو موب بس النجاح 
|