مستوى أول:
مبادئ رياضيات - أماني بابكر
عصبية جداً لازم تعتمدي ع نفسك وتكتبي معاها كل شي تقوله، أسئلتها غير مباشرة ولكنها تعطي درجات
أهم شي عندها الهدوء بالمحاضرة والالتزام بالوقت.
مهارات اتصال - هند الزهراني
المحاضرة عبارة عن سوالف فقط شرح مافيه، تحب البنت اللي تاخذ وتعطي معها، عادي جداً تتأخر عن المحاضرة
نص ساعة، أو تعتذر عن المحاضرة بدون ماتعطي خبر وترسل مسؤولة تاخذ الحضور والغياب.
مهارات تعلم - أماني الماجد
معيدة، شرحها جميل، المحاضرة ماتكون تلقين ومجرد سرد، بالعكس تعطي أسئلة وتخلي الكل يشارك ويتفاعل
ويعطي رايه، اسئلتها بسيطة جداً ومباشرة، تطلب عرض وتركز ع القائك مرة.
انقلش - بثينة القرعاوي
من أفضل الأستاذات اللي درسوني من دخلت الجامعة.
شرحها وافي، تعطيك دافع حتى لو قلتي جملة بسيطة، طبعاً كل كلامها داخل الكلاس بالانقلش
وحتى لو عندك استفسار ماتقبل الا لما تتكلمي بالانقلش، وهالشي يخليك تتعلمي اللغة رغم ان
الاغلب كان يتذمر من هالطريقة، اسئلتها بسيطة أغلبها نفس طريقة الكتاب، تعطيك حقك بالدرجات وزيادة وتضمني عندها
ال a+
مبادئ احصاء - هناء البابطين
سيئة، كل شي بالصراخ والعصبية واذا كان عندك سؤال عادي تحرجك قدام البنات عشان سألتي هالسؤال.
شرحها مو مفهوم وسريعة جداً، من ناحية الدرجات فهي جيدة فيه واجبات تنزلها بالبلاك بشكل اسبوعي تقدري
تجمعي درجات منها، تتأخري خمس أو عشر دقايق عادي تروح المحاضرة تهزأ فيك وبالنهاية تحطك آبسنت.
بالنسبة لأسئلتها فهي متوسطة، ماتتقبل النقاش بعد الاختبار وجملتها دائماً أسئلتي ع قد شرحي.
صحة ولياقة - فاطمة شحاتة
شرحها ممتاز، تعيد أكثر من مرة وتفهمك كويس
تعطي كويزز وتاخذ افضل درجة منهم، يهمها الالتزام بالوقت وجوالك يكون سايلنت.
اسئلتها دقيقة جداً جداً جداً تحتاج تركيز خصوصاً الاختياري تتشابه مرة والفرق بينها شي بسيط مرة.
حاسب - دعاء الكبيسي
أظن إنها طلعت من الكلية تكمل دكتوراه، شرحها قراءة فقط، الاسئلة واضحة ومباشرة، تعطي واجبات بشكل جماعي
بدل التطبيق العملي، ومافيه كويزز او عروض
مستوى ثاني:
عقيدة - إيمان البغا
طلعت من الكلية
اقتصاد جزئي - أمل زكي
حبوبة كشخصية والمحاضرة سوالف وضحك، مافيه سلايدات وماتشرح ع السبورة حتى
لما تجي تذاكري هنا الصدمة، الكتاب شي مختلف تماماً عن الكلام بالمحاضرة
أسئلتها متوسطة إلى صعبة، كمية الاسئلة قليلة والتوزيع غير عادل.
مافيه كويزز والواجبات تسليمها نهاية الترم سوا، تطلب عرض تسليم فقط.
محاسبة مالية 1 - سارة السويدي
معيدة، شرحها غير مفصل، كمادة جديدة بتحسي بضياع تحتاج منك مجهود عشان تفهمي
فيه واجبات وكويزز طول الترم، اسئلتها بالميد صعبة لازم تذاكري كويس وأول بأول لأن كل جزئية
تعتمد ع اللي قبلها، كشخصية لطيفة جداً وتتقبل الاراء حول شرحها والاسئلة.
مبادئ تسويق - مها الشمري
معيدة أيضاً، من أفضل اللي درسوني تحببك بالمادة، مرنة وتراعي البنات، شرحها يغنيك عن المذاكرة بالميد
تطلب عرض وتهتم به جداً وتعطي بونس لأفضل عرض، حاولي تركزي عليه ويكون مميز.
فيه واجبات بشكل جماعي تركز عليه بعد، وتناقشه بعد التسليم وتختار أفضل مجموعة.
اسئلتها حلوة بس لازم فيه سؤال صعب عشان تميز البنت الفاهمة من غيرها، ماتحب الازعاج ولا التأخير
والمحاضرة تخلص بسرعة غالباً أقل من نص الوقت
مبادئ ادارة - عهود السواحة
شرحها نايم، وأغلب معلوماتها غلط، ماتشرح بدون بروجكتر واذا صرتي بقاعة مايشتغل فيها الله يعينك ع التنقل.
اسئلتها غير مباشرة، تطلب عرض ومافيه واجبات، الحلو فيها إنها طيبة وتسمع من البنات.