|
رد: اتمنى الكل يدخل ويقرأ واللي عنده معلومة يفيدني
اقتباس:
المشاركة الأصلية كتبت بواسطة tj*
يعني صدق امانه اشرحو م لي مستقبل اجل طيب ليه درست هذا م استفيد شيء ؟؟تحطمت شكرا
|
لا تتحطمين أختي ..
بالعكس .. زي ما قالك أخونا .. معترف فيها شهادة التعليم عن بعد ..
(*) وبالنسبة للتوظيف .. التوظيف الحكومي والمسابقات الحكومية يعتمدون على قدراتك الشخصية ومهاراتك اللي راح يكتشفونها من خلال المقابلة الشخصية معك، يعني كونك معك مؤهل علمي جامعي يحق لك الدخول على مسابقات وظيفية على المرتبة السادسة حالك حال المنتظم بالضبط، وإذا عندك خبرات عمل في جهات ثانية .. يحسبون لك عن كل أربع سنوات مرتبة زيادة أثناء التقديم، أما في عمل الشركات والقطاع الخاص راح تحتاجين الواسطة اللي تدخل أوراقك، وتحتاجين اثبات نفسك أثناء المقابلة الشخصية.
باختصار، المؤهل هذا اللي تدرسينه .. بيعاملونك فيه حالك حال المنتظم، الفرق الوحيد بالأفضلية فقط "المنتظم أفضل من التعليم عن بعد" وهذا شي طبيعي لأن المنتظم جالس يداوم سنة كاملة ويحضر مع الدكاترة في كل يوم، هذا غير نوعية الإختبارات اللي يقدمونها لهم، عدّد، وأذكر، وعلل، واشرح، وحنا اسئلتنا اختيارات وصح وخطأ، يعني فيه فرق بمخرجات التعليم لذلك لهم الأفضلية أثناء التقديم على الوظائف.
(*) أما بالنسبة لاستكمال الدراسة، أقدر أقولك إن في جامعات حكومية وجامعات خاصة وكلهم يدرسون ماستر "ماجستير" بنظام التعليم عن بعد، لكن السؤالين المهمين:
هل الماستر في التعليم عن بعد معترف فيه مثل البكالوريوس؟
وهل خريج البكالوريوس بنظام التعليم عن بعد ممكن يُقبل في أحد الجامعات المحلية في الماجستير كمنتظم؟
وأسأل الله لي وللجميع التوفيق والسداد. 
|