2016- 1- 23
|
 |
المراقبة العامة
|
|
|
|
مـاقلتـلك ؟!
[align=center][table1="width:95%;background-image:url('http://up.graaam.com/forums/567092/21309335231.png');"]
[cell="filter:;"][align=center]
ماقلتـلك ؟...
وحدك غديت النّور .. والباقي ظلام !!
وإن السّهر لابانت خيوط الفجر .. يبدا ينام !!
يتركني بروحي أطيّر من حنيني لك حمام !!
وأحمّله شوق وسلام !!
وماقلتـلك ...
إنت الوحيد اللّي اشوفه ذنب مهما إرتكبته ..
ما أحس إنّه حراام !!
.....
وماقلتـلك ...
إن الحنين .. رماح
وإن الغياب .. أ♥ـباب
وإن الشّعر .. مفتاح
وإن القلوب .. أبواب
....
وإن الهنى ماله على قلبي دروب
وإن الحزن فيني بنى
بلدان وهمومي شعوب
وإن الشعر مالي غنى
عنّه .. وعنّه ما اتوب
وإن الحنين اللي بنا
أطهر مساحات الذّنوب
....
وإن الشعر ... مثل الحزن قسمه ونصيب !!
وإن المنافي ... مع مرور الوقت تصبح ديرة أولاد الغريب !!
وأن الصّبر ... مهما يواصلنا يجي يوم ويغيب !!
يمكن لأنّه ملّنا !
وإلاّ الصّبر ملّ الصّبر ...
مدري ولكن قلتـلك ...
ماقلتـلك !
أشيائي الحـلوه قليـل ...
وإنّك أحد أشيائي الحـلوه القليـل ...
معاك أحس إنّي سهر ليـله طويل ...
ألقابه لحزني خليل ...
وأحس في صبري حطب .., وأيّام غيـباتك فتيـل ...
مادري متى يجتاحني هذا الملل ؟؟؟
واحرق سنيـن من الصّبر !!
...
وماقلتـلك ...
لو جيتني مرّه مطر ...
تلقاني بدوٍ تنتظر !
يستبشرون .. إن جت مقاديمك تغني عن حضورك يمّهم ...
من طهـرهم ...
البرق .. في تعريـفهم يعني حياة ...
والغيـم .. صوته أغنيات ..
من غبت عنهم عايشيـن بهمّهم ..
تفرّقـوا ... صاروا شـتات ...
وأنت الوحـيد اللّي تجي وتلمهم !
وماقلتـلك ...
أشيا ( ثـلاثـة ) باقيه ماقلتلك ...
إنّك مثل حزني ... قدر !
وإنّك مثل ليلي ... سهر !
وإنّك عمر ...
والعمر ... مرّه بالعمر !
والعمر ... مرّه بالعمر !
[/align][/cell][/table1][/align]
|