السلام عليكم ورحمة الله وبركاته
انا متخرج علم اجتماع من سنة تقريباً وحبيت افيدكم بخصوص تصنيف الشهادة من هيئة التخصصات الصحية
بعد ما تستلم الشهادة من الجامعة تروح للهيئة وبيعطونك خطاب لمن "يهمه الأمر" تدريب في مستشفى لمدة ثلاثة أشهر وبعد التدريب ترجع ثانية للهيئة وأوراقك معك وهي ( شهادة الجامعة مع كشف الدرجات ـ صورة شخصية ـ تعريف من العمل اذا كنت موظف ـ صورة البطاقة ـ تعبئة النموذج الخاص بالهيئة ـ ) وبعد ما يدخل الموظف اوراقك في الجهاز وياخذ رسوم تقريباً 1200 ريال بيعطيك ورقة خاصة بشركة بيرسيون فيها اسم المستخدم والباسوورد الخاصة بدخول موقع الشركة للتسجيل في اختبار الشركة ،، واسهلك تروح لمندوب الشركة موجود في نفس الهيئة يسجلك ويعطيك موعد الاختبار وياخذ منك رسوم الاختبار ( 300 ) ريال ، وبعد ما تجري الاختبار وتعدي ان شاء الله يعطونك النتيجة اول ما تطلع من الاختبار لأن نظام الاختبار عن طريق الكمبيوتر ،، ترجع للهيئة بعد اسبوع أو اسبوعين تقريباً وتعطيهم نتيجة الاختبار وعلى الساعة ثنتين ونصف يسلمونك الشهادة والبطاقة ،، واذا انت فني وعلى راس العمل لازم تجيب تصنيفك الاول عشان يلغيه ويعطونك تصنيف جديد فقط والبطاقة لازم تطلبها عن طريق نظام ممارس وتدفع 150 ريال .
هذا باختصار اللي صار معي وبالتوفيق جميعاً