|
نزول المعدل القوي هل تستطيع رفعه مستقبلا_والمذاكره للترم القادم؟
السلام عليكم
أتمنى أسمع أخبار جميله بأن الجميع تجاوز الترم الثالث كاملا باذن الله
واذا فيه أحد حمل ماده يوضحها هنا عشان الباقين يأخذون حذرهم منها ومن مكر بعض دهاليز مدرسها وكأننا بحرب معهم
موضوعي اليوم مهم بخصوص نزول معدلي المفأجيء بقوه من 44 الى2 طبعا ا لرقم على اليسار ماذكرته لأنه ما تغير هو هو
أنا اشوف انه نزول قوي بالنسبه لي
كثير سمعت اذا نزل المعدل صعب ترفعه بالأترام القادمه او اذا اذا تم رفعه يكون رفع بسيط جدا جدا ونزوله نفس الكلام
هل الامر هذا صعب او سهل
هل هالكلام صحيح يا ليت ييجيبون علينا اهل الخبره
الموضوع الثاني
اللي بيذاكر من الأن دامه فاضي تفاديا لو حصل انشغال وقت الامتحانات لا سمح الله ومنعك من المذاكره وهذا ما يحصل لنا جميعا الانشغال وقت الامتحان او ضيق الوقت
يبدأ يذاكر من وين؟
المكاتب وملزماتها لحد الأن ما نزلت او بعضها نزل او اللي نزل بالعربي غير جاهز كاملا اقصد غير جاهز أسئلة اعوام سابقه ومناقشات والخ يعني المقصد بتبيع المكتبه الملزمه وبس ما تفكر كيف تفيدك بشكل كبير
المحاضرات لم تنزل كامله
فيصعب عليك تذاكر ماده المحاضره الاولى فقط وتذهب لماده ثانيه وتذاكر المحاضره الاولى وتذهب لكاده ثالثه وتذاكر المحاضره الاولى بكذا بتتوهق توهق كبير جدا وراح تتشتت
ومن غير المعقول انك راح تذاكر محاضره واحده فقط طول اليوم لماده واحده فقط!
خصوصا ان اغلبنا تارك الدراسه فتره طويله قبل دخول الجامعه فيجد صعوبه بالمذاكره فتكون مذاكرته بطئيه جدا فيحتاج وقت اكبر واكثر
اللي عنده خبر عن المواد القادمه بطول منهجها او قصره يبلغنا عشان نبدأ نذاكر المناهج الطويله وانا اسميها المناهج الموهقه
اللي عنده حل طيب يتفضل لا يبخل علينا يسعفنا وأكون شاكر له وممنون لأن الاترام القادمه اصعب وأطول مناهج اكيد وهذا شيء طبيعي لا احد يتفأجأ منه أبد
تحياتي لللجميع واتمنى التوفيق لي ولكم
التعديل الأخير تم بواسطة نيف1 ; 2016- 1- 26 الساعة 02:58 AM
|