|
رد: ♡ ' كل بكرا .. كان لـ أحلامي : أمل و الأمل لا زال بس بكرا .. بعيد !
*,
لما كنت ادرس في الثانوي كانت استاذة مادة الادب ماتعطي الدرجة الا بطلعة الروح .. يعني درجات المشاركة اللي معها ما عمرها عطت احد الدرجة الكاملة حتى الدافورات 
المهم انها بعد الله يستر عليها لسانها متبري منها يعني تسب وحده لازم ترش الفصل كله سب شدخلنا طيب نظامها الشر يعم و الخير يخص 
و كانت متعصبه لقبيلتها بشكل غير طبيعي متخيلين تقعد تمدح في قبيلتها حنا و حنا وحنا  المهم هي قحطانيه و لازم اذكر هالشيء عشانتفهمون القصه 
على اخر الترم جت قالت بساعدكم و اللي تبي ترفع درجات المشاركة تجيب لي بحث عن شاعر من العصور القديمة و اذا اعجبني البحث بعطيها الدرجة الكامله 
اييييييه و رجعت للبيت و انا افكر من الشاعر اللي بيخليها تعطيني الدرجة الكامله و تلمع في راسي فكرة و تولع اللمبه 
و اروح لقوقل طويل العمر و ادور في شعراء قحطان  واشك لها البحث  و يوم قومتني و انا اسمي و ابدأ طبعاً لازم كل وحده تقرأ بحثها قدام الفصل و تاخذ تهزيئه بالمجان  و انا اقوم وابدا بالقراءة و يوم خلصت نسبه و قلت من قحطان و هي تقول لي وقفي انا كذا 
قالت ممتازه  لا تكملين الدرجة الكاملة عرفتي من اين تؤكل الكتف .gif "(269)") و انا يعنني بريئه  و علق في لسانها ممتازه ممتازه و انتفخ راسي و من هنا بدأت طريقي في عالم الدحلسه و الهياط
شفتوا اشياء بسيطه تسلك لكم اموركم تعلموا مني قبل لا اموت بس
-
|