Thxxx..that made my day
..
اسعدني جداً كلامك
Oh, don't mention it
واقتراحك على عيني و على راسي و لازلت افكر فيه مليّاً
بس والله ماعندي شي يسوى اكتب عنه...
ربما لاحقاً..




نرجع للتحقيق


_لو ما كتت بوظيفتك حالياً..ايش هي وظيفة أحلامك ؟
مهندس معماري
_ قاعدة تربوية تؤمن بها و تحاول تتبعها مع عائلتك ,؟
تشجيع الرقابة الذاتية والتحفيز بالحب بدل الخوف
_ معلم تشعر بالامتنان له ...و معلم حاقد عليه؟
كلهم حقهم على الراس لأنهم علموني, بس ممتن جدا لموقف مدير المدرسة لأنه قبل عذري الغبي وأعاد لي الامتحان
بالنسبة للحقد, الحمد لله ما حصل من المدرسين شي يخليني أحقد عليهم, بس تحصل أحيانا تصرفات خاطئة منهم وهم في النهاية بشر, وأخطاءهم ما كانت بذلك السوء, مو مثل مدرسين هالأيام, مثل ولد عمي يقول صايدين مدرس عندهم راسل رسالة حب لواحد من الطلاب
يمكن أسوأ موقف حصل لي, مرة في حصة القرآن, مرينا على صفة سيئة في إحدى الآيات, ما أشوف إلا المدرس موقف ويطالع فيني يقول نسيبك فلان فيه هذي الصفة
عاد أنا أقول اشفيه الاستاذ اليوم
عندك مشكله معاه روح تفاهم وياه مو تهزئني قدام الطلاب على حاجة ما لي شغل فيها
طبعا السالفة قديمة جدا واثنينهم الآن متقاعدين, بس لو أفتن ألحين عادي يروح يهاوشه

- كيف نفرق بين الرضا عن النفس و العُجب..أساساً هل المفروض ان نشعر بالرضا عن أنفسِنا؟
الرضا عن النفس أمر نسبي أتوقع, وعندما تصل نسبة الرضا إلى 100% هنا تكمن المشكلة وتكون سدا أمام التطور وتتسبب في مفاهيم خاطئة للشخص عن نفسه ومقارنة مع الآخرين
-تتفق معاي أن الشي اللي تفرط في التفكير فيه ...هو أقل شي تتكلم عنه بالعلن ؟
بالنسبة لي, لا
أنا أفكر دائما بشراء مسكن هذه الأيام وهو شغلي الشاغل في السر والعلن
الله يفرجها من عنده
_اكثر حاجه فخور بنفسك انك انجزتها ؟
إني وصلت لهذا السطر
إني حصلت على البكالريوس
وإني نزلت من وزني قرابة 30 كيلوجرام



...

-