حاب أضيف على كلامي بالصفحة الثانية في المشاركة 14
إني إعتمدت في كتابة البحث على عينات من البحوث فقط
ماشفت أي محاضرات أو إطلعت على أي شيء ثاني غير بحوث الطلبه
وفي راسي شوي من مادة مستوى7 مادة البحوث اللي درسنا فيها الفريدان
وأقصد بكلامي المادة جميلة ولاتخافون منها أبد وإسمها فقط اللي يخوف
ويشهد الله علي إني كتبت البحث خلال 4الى6 ساعات متواصلة كلام كله من راسي
وسويت مقابلات واستبيانات واسئلة واجوبة وكله من راسي بإستثناء فقرة الاستعارة الادبيه
حطيت فيها كلام أخذته من صفحتين بالنت وكتبته بأسلوبي يعني ماأخذته نسخ ولصق .
الشي الوحيد اللي تعبني في البحث إني كتبته بالعربي وبعدين جيت اترجمه وصارت عندي مشاكل
في الستركشر او البنية وتركيب الجمل ولكن ضبطت اللي أقدر عليه بعد ملاحظات الدكتور وارسلته
والحمدلله عديته ب 86
يعني المهم في نظري هو كالآتي :
1_العنوان ومايكون عام يعني لازم يكون مخصص لشي واحد
2_التوقيت مهم إن الواحد مايتأخر عنه حتى ياخذ درجة المشاركة كامله
3_بعد الفرست درفت حاول تسوي طلبات الدكتور وتعديلاته قدر المستطاع
4_زيادة كلمات البحث ممكن تساعد في رفع درجته حتى لو فيه بعض الاخطاء
وأخيرآ عندكم ميزة كانت معانا إحنا الدفعه اللي قبلكم وماكانت موجوده قبلنا
هي الموقع اللي تعتمد عليه الجامعة في موضوع نسبة الإنتحال
الحين تقدرون تشوفون هالنسبة قبل ترسلون بحوثكم على نفس الموقع اللي تستخدمه الجامعة.