المشاركة الأصلية كتبت بواسطة Perf Manal

كلامك ماهو منطقي ولافيه رد على كلامي , سالك درب ثاني .


+ ماتكلمت انا عن الهلال لكن انا ماشفت هلالي العام كان لافاز قال هزمت الحكم والخصم ولا خسر قال التحكيم , ممكن نلقى عينات لكن مو مثل اللي قاعدين نشوفه من الجمهور النصراوي , وللمعلومية كلامي مو بس هالموسم حتى لما النصر حقق الدوريين كان نفس هالكلام يصدر من الجمهور النصراوي كأنه مجرد كلام حفظوه واقتنعو فيه وصارو يرددونه من دون مبررات وكأن الجميع مُسهل له دربه للفوز ماعدا النصر فيه قانون ينص على الاستقعاد له , في مباراة بالدوري الاهلي اخذ فيها 3 ضربات جزاء وبالمقابل فيه مباريات له بالدوري انحرم من ضربات جزاء كانت ممكن تكون السبب بفوزه وتحقيق الثلاث نقاط , لكن ماشفت الجمهور يحرص على نقد الحكم والتحكيم ويتجاهل الفريق والاداره + 3 ضربات جزء عطني حكم جريئ يحسبها لك في مباراه واحدة !


+ من يومين في مباراة ريال مدريد وريال بيتس اللي انتهت بالتعادل , ريال مدريد انحرم من ضربة جزاء واضحه لرونالدو ! ومع هذا التحكيم كان سبب بالتعادل على رغم وضاعة ريال بيتس , ومع هذا نقول ريال مدريد ماقدم شي يشفع له بالفوز بغض النظر عن التحكيم !! يعني مو بس دورينا يعاني واللاعب دورة في الملعب التسجيل واللعب فقط ان جت ضربة جزاء ف هي تعتبر مساعدة نوعا ما وان ماجت ماهي عذر للاعبين .


النصر ياعزيزي ماقدم هالموسم شي يشفع له حتى يكون التحويل والانتقاد على الحكام , لان الاخطاء التحكيمية واردة للجميع , وسياسة رمي الاخطاء باستمرار على التحكيم زادت اللاعبين تخاذل وتكاسل بالملعب وكأنهم ينتظرون فقط ضربات جزاء وبتكون هي منقذة الموقف .