قبل أقول رأيي لازم أوضح شيء
اللي يقول المجتمع جرم (أحبها فتزوجها) وحرم الحب ومن هالكلام
اول شيء خلينا نحلل هالجملة وإيش المقصود فيها .؟؟!!
إذا يعرفون بعض من هم صغار ويوم كبروا حبوا بعض وتزوجوا < هنا حتى لو عرف المجتمع
بالموضوع هذا ماراح ينتقد شيء .
إذا كانوا جيران او حتى ماقد شافوا بعض لكن من اللي يسمعوه حبوا بعض ووصلوا رسايل
بطرق ماتغضب الله لبعض وتزوجوا هنا المجتمع ممكن ينتقد لكن مومهم المجتمع دام ماصار
شي حرام .
وجمال الحب قبل الزواج نحسبه على هالامثلة .
لكن تقولي أكلمها آخر الليل ونتراسل القبلات والاماني اللي ماتكون الا بين الازواج ..؟!
وغير هالأشياء كثير ذنوب ماتوصل لحجم جرم الزنا الصريح يعني مو شرط تصير كبيره
من الكبائر في الموضوع عشان يكون غلط .
يوم يجي المجتمع ينتقد هالشيء يكون مجتمع ظالم ..!!
أنا ماأدافع عن المجتمع والمجتمع ملياااااان أشياء غلط وظلم وبعض الاوقات وبسبب طريقته
وأسلوبة يتأثر بعض الناس سلبيآ في الاشياء اللي تخص دينهم رغم إنهم متضررين أكثر.
وتحس المجتمع من أكثر سلبياته النفاق وينتقد ويحرم من أجل الناس والرياء قبل الدين وخصوصآ
هالزمن .
لكن مانحلل في هالجمله كل شي ( أحبها فتزوجها ) لأنها ماتنطبق على كل شيء
بالنسبه لموضوع الحب قبل الزواج
إذا كان هالحب طاهر وعفيف ومافيه شيء يخالف الإسلام أو يغضب الله عز وجل
فأكيد هذا الأجمل والاروع في الزواج.
لكن أي حب قبل الزواج يدخل فيه ذنب هذا يعني إن ابليس متشارك معهم فيه
وإذا تزوجوا في الغالب تصير مشاكل بينهم ماتصير حتى مع المتزوجين زواج إعتيادي
ويكون الأساس الي تم بناء هالعلاقة عليه غلط وتكون هالعلاقة تحت رحمة الله سبحانة.
إن أراد غفر لهم وجعلها سعيدة وإن أراد جعلها عقاب لهم .
وهنا أقول تزوجها فأحبها أبرك مليون مره .
وأسمع قصص كثير عن حب قبل الزواج من قبل زمن الجوالات والمقابلات
وكان أقصى تواصل يتم هو برسالة مكتوبه أو منقولة على لسان الاخت
الصراحه قصص جميلة وحزينة لأن بعضها إنتهى بزواج وبعضها لا .
وكثير نشوف شباب أو بنات الحين يسوون أشياء قصدهم يعاندون مجتمعهم فيها
ياخي إكره مجتمعك وعانده وسو اللي تبي فيه لكن لاتكره دينك وتدمر نفسك وآخرتك.
وهالسطرين الأخيره كاتبهم للي بينتقد رأيي في موضوع الحب قبل الزواج
أنا أقول إذا مابتقدر تحب بالحلال قبل تتزوج
فالأفضل تتزوج وتحاول تحب . فقط