ايقف ربع سـاعـة ابسـمع
مما طاب لي
[align=center][table1="width:95%;background-image:url('http://www.ckfu.org/vb/mwaextraedit4/backgrounds/11.gif');border:4px inset silver;"][cell="filter:;"][align=center] ايقف ربع سـاعـة ابسـمع كلامك = واعـطيك من شين به القلب متكوك
واكحل اعـيوني قبل تمشـي بصـورك = حـيث أن قلبي لك من العام مملوك
وهـذي حـسـب عرفي كتبته هـديك = ولولاك ما خـط القلم بأبيض ألبوك
حـبك شـمع بالقلب ما ظـن ينفك = مهـما حـصـل اظن ماهـوب مفكوك
احـبك اكثر من غـلى أبوك وأمك = وأظـن حـبي لك يغطي غـلى أبوك
بالقلب رشـاشـات يسـقن محبك = لما استوى النوار والورد والشـوك
وكنه عـلى قلبي ظهـر باسـمكم صك = أو ورثه جدك ومن بعده أبوك
ومحتار من زين الكلام وبلاغك = قلبي لكم يلعب كما يلعب الدوك
الله بلاني بك وأنا قبل منفك = لمك يجرن دافع الحب بسلوك
رمح المحبة بالضماير دخل شك = ذبحتني من دون ذنب ولا صوك
بأشقر فليل مغطي نصف جسمك = طبيعي ما هو على شكل باروك
ليتك قريب وكل جمعة نزورك = مير البلا دونك مطابيق ودكوك
بعدك عني بعد أم درمان عن رك = ويرتاع قلبي كل ماحل واطروك
لامن تالي الليل هجس الهوى دك = قمت اتقلب كن في مرقدي شوك
وذكرت ماضينا وصافي صداقك = الله يصد اللي عني غصب صدوك
ويوم أشوفك به ترى عندي ابرك = من ايام عمري عندنا يوم مبروك
ولاهب نسناس الهوى أشم ريحك = ريح الشمالي تقل بالطيب مفروك
وهمك على قلبي يضك الحشا ضك = كني سجين ودونه الباب مصكوك
حنت خلوج ومثله القلب حنك = والقلب من بعدك كما الطير مشبوك
وعودت عيني ما تبي غير شوفك = الله يجازي اللي عن الدار شالوك
لو المنى ينفع تمنيت قربك = واشريك بغالي الثمن لو هم اغلوك [/align][/cell][/table1][/align] الشاعر إبراهيم دحيم الرديعان
التعديل الأخير تم بواسطة مــطــنــوخ ; 2016- 2- 3 الساعة 11:30 PM
|