|
الحلم الكبير
الحلم الكبير
**********
راكب الي مالها روح مير انها تطير
تنسف اغيوم السماء من على جنحانها
يوم قامت مع خطوط الملاحه تستدير
هيضتني للقوافي وجر الحانها
ياوليفي عقبك البال للتفكير اسير
وش بقى وتفك عني قفل بيبانها
والله إني عقب فرقاك مجهول المصير
والبلا من غيبةٍ ما إندحر شيطانها
مافعلت بمن يحبك ياراعي الحب خير
مدة الشرهات ناس طوال لسانها
كل ما امسى الليل جاني من الهاجس نذير
وانطلق لافكار بالي طويل عنانها
استحي من دمعتن قدرها عندي كبير
حافظن مقدارها في جفون اعيانها
طيحه الدمعه من العين لايمكن تصير
غير من فقدن يحطم لها سلطانها
يا وليفي ذكر الاحباب للاحباب غير
ودي اهدي الك حاجه ماني منانها
لوحتن بالشعر رسّامها دايم خطير
كم على شانك سرى الليل مع قيفانها
إن بخست حقوق الأحباب ما عيّنت خير
ذنبها عليك لو ما اشتكت بلسانها
جرحك اللي بالحنايا رحاته تستدير
طعنةٍ احبها من غلا طعّانها
أبك والله ما طرا لي اكبّك واستخير
لهفتي لك يا اتلع الجيد فيني عانها
مابعد جالك شبيهٍ ولا جالك نظير
ضيقتي تضحك بعد شوفتك حجّانها
ويش خلّاك اتصدّد وتبعد بالمسير
تقطع حبال الوصل وتْهَدم سيسانها
مااذكر اني يوم زلّيت يالحلم الكبير
يوم لوصالك طرات النجيعه شانها
ضمني عن قسوة البعد لا تشاور شوير
واذكر ايام الغلا كيف كنت احيانها
الفراق ابْصَر نظر والوصل اعمى ضرير
والمحبه تشكي من الدهر خدّانها
امطري ياغيوم الأحباب واضحك يافقير
يافقير الحب ضحكتك م أَعْظَم شانها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
الشاعر / أحمد بن غازي الشيباني
التعديل الأخير تم بواسطة عازف الكلمه ; 2016- 2- 4 الساعة 02:54 AM
|