ملتقى طلاب وطالبات جامعة الملك فيصل,جامعة الدمام - عرض مشاركة واحدة

نجلاءالعتيبي · #1 2016- 2- 4

السلام عليكم ورحمة الله وبركاته

كيفكم جميعاً وش اخباركم عساكم بخير <<< حسيت نفسي بعزيمة

لاتلومني ياجماعة ماأدري وين احط موضوعي فيه بس بما انكم من دفعتي قلت تشاركوني هالموضوع

المهم مالكم بالطويلة

اليوم وانا رايحة اسدد المبلغ المطلوب للجامعة بصراحة لاحظت تصرف مشين من الجامعة

طبعا انا ماشية على نفس الخطة والمبلغ المطلوب سداده كان 2980 ريال

المهم وانا أطالع الخيارات الي بالشاشة واشوف خيارات سداد المبلغ كامل سداد أقل من المبلغ سداد أكبر من المبلغ

قلت يابنت دام هذي الخيارات خليني اسدد نصف المبلغ والنصف الثاني اتعبر فيه لين يخلص الشهر واسدد على فترتين

المهم واضغط على سداد اقل يقال اني ذهينة واقسم المبلغ بيني وبين الجامعة وعليكم الحساب

الا ويطلعون اذهن مني عساهم الفلس ويحطون لي رسالة لايمكنك السداد حالياً

قلت بس يابنت مابدهاش الصرافة ماتسدد

خل اضغط على المبلغ كامل بجرب وليتني ماضغطت مادريت الا وهم شافطين دراهمهم عساهم المحش

بيني وبينكم بغيت أدخل يدي مع الشاشة واقول رجعوا فلوسي يانصابين بنتقاسمها بس ماعاد ينفع التميلح والدريهمات لطشوها وعيني تشوف

يمكن تقولون وش له هالبربرة كلها أنا جايتكم بالزبدة يافلذات أكبادي

السؤال الي يطرح نفسه دام ان الصرافة حاطين ثلاث خيارات الي هي

سداد المبلغ كامل وسداد اقل من المبلغ وسداد اكبر من المبلغ

فأكيد وحتماً ولابد أن الخيارين الأول والاخير راح تعمل عشانها في مصلحة الجامعة

طيب وش فيها لما تخلون الطلاب والطالبات يسددون على فترتين ولا من الاساس لايحطون لنا هالخيارات الكذبية

ماراح ناكل لكم ولا ريال حنا الي محتاجين ندرس موب انتم الجامعة متبعه نظام خذوه فغلوه

المهم من قد صار له تسذا وبعدين صدق ليش الرسوم ماتصير على فترتين فيه ناس عليها التزامات مثلي طبعاً

والأهم من كل هذا نصيحة لا احد يتعبث في كيبورد الصرافة مسوية ذهينة ولاتسددون بدري

شكراً لكم يا احبائي على سعة صدوركم