|
سميه لاتنادونه 💔
الغايب الي يحول الهجر من دونه
صوت الطواري عساه يحرك اشواقه
يذكره بالهوى ويغني لحونه
لعل يذكر غلا من عاش باعماقه
طاريه لامرني يمشي على هونه
وقفت له وقفت الي منكسر ساقه
ان كان مايدري عن القلب وشجونه
مسموح يبحث خفاه ويكشف اوراقه
على سموعي سميه لاتنادونه
يفك باب بضميري صعب مغلاقه
واتل روحي لياقامو يطرونه
اصحبت حتى على اسمه مامعي طاقه
خايف من الناس بعيوني يشوفونه
اصد صدة عزيز شاف ماعاقه
محبته من ثمان سنين مدفونه
وراياتها كل يوم وليل خفاقه
مقسوم احبه وروحي معه مرهونه
والادمي قسمته من عند خلاقه
الخاطر السمح لو يدراه ويصونه
ماكان عكر صفاه وشانت اخلاقه
بيني وبينه كلام ضاع مضمومنه
وجدي على شوفه بكلمه على فاقه
لاحل طيفه نشدت الطيف وشلونه
واقفى بصمته حنين القلب مستاقه
قلبي مع طير مستوحش من حزونه
لوح له الشوق لين اطلقت مسباقه
وشلون ابا اسلى وانا مشتاق لعيونه
ماينشرح خاطري والعين مشتاقه
الله يسامح جفاه ويدمح طعونه
اللي ترك لي غلاه وراح باوفاقه
الحزن بضلوع صدري هلت مزونه
من يوم غيم سماه ولاح براقه
ياكبر فقده على قلبن يلومونه
ناسن تبيع الهوى وتخون ميثاقه
الحب له طعم غير الي يذوقونه
مايعرف الحب من شافه ولاذاقه
التعديل الأخير تم بواسطة دمعة حلم ; 2016- 2- 4 الساعة 09:07 PM
|