المشاركة الأصلية كتبت بواسطة عبدالله الشّلاحي

صباح الشوكلات

صباح الكشتات

استضافة ازكى من ريح الخزامى واحلى من حليب المغاتير

وأختيار موفق بكل تأكيد

تسلم من ذوقك
اسئلتي ..

س- لك حظور ملفت بالمدونات .. لكنك مقله بالمتابعه لباقي المدونات .. هل هو غرور أم ثقه أنه لايوجد افضل مما تكتبين ؟

اما غرور ليه مي زياده ما يقص راسي سيفين
لا طبعاً فيه افضل مني و افضل مني بكثير .. لكن وقتي ضيق و ما احب اعطي لايك لشيء ما قرأته يعني ما احط مجامله كذا او تسجيل حضور ..و فيه مدونات احرص على دخولها لان تعجبني او احب جوها .. ما احب المدونات اللي ماشيه على رتم واحد ( و ذي اكثر نوع منتشر في القسم ) احب اللي يدخلني في جو و فجأه يطلع لي بشيء مختلف تماماً ..


س- ماهو اكثر شيء قد يخرجك عن طورك ؟ << يدور عليها

الانسان الغبي اللي يتنح و يفسر كلامي حسب هواه و مهما شرحت و وضحت له يتمسك برأيه

س- موقف صعب لن تنسيه ؟

يمكن اصعب شيء مر علي لما تعب عمي و دخل العنايه و كانت اخر لحظات حياته و مسكت يده و ما حسيت الا باصبعه يتحرك كان يتشهد
وقتها مادري وش صار لي خفت يموت قدامي و لا ابي اشوف هالمنظر و لا ابيه ينطبع في ذاكرتي و طلعت اركض برا الغرفه و انهرت في حضن اخوي و حتى مابي اقعد في المستشفى ابي اطلع بسرعه من هالمكان ... رجعت نمت مابي اسمع الخبر كانت نومه و كل شيء فيني صاحي نومة هرب .. احس بحركة غريبه في البيت اسمعهم يفتحون الباب و يقولون لا خلوها تنام احسن تاكدت انه صار له شيء الله يرحمه و يعفو عنه ..

نكأت الجرح يا عبدالله ..


-

ولي عودة للأسئلة