المشاركة الأصلية كتبت بواسطة ابو فاطمة ~

بسم الله



1 - هل ندمتي على انك تحبين كرة القدم والتشجيع ؟؟

لا ابدا ماندمت فيه من الناس من يعتبر كرة القدم شي يسلب الانوثة وانا ماشوفه كذا ابدا بالنهاية *من باب ضرب المثال مو التقليد* , اكبر مدرجات العالم واضخمها نصفها بنات هل يعني ان كلهم خالين من الانوثه ؟ هذا مثله مثل من يعتبر المياعة انوثة .

2 - افضل لاعب مر على المنتخب في وجهة نظرك ؟؟

كل لاعب خدم بفترة من الفترات وتزعّم الفترة اللي برز فيها , كثير عندنا الثنيان وماجد عبدالله سامي وياسر مالك معاذ محمد نور وغيرهم كثير ( ذكرت لك هذولي لانهم تقريبا اللي لحقت عليهم )

3 - افضل رئيس نادي مر على الهلال ؟؟

محمد بن فيصل وكان ودي يرجع بعد عبدالرحمن بن مساعد لكن نواف بن سعد اثبت نفسه انه يستحق الرئاسة .

4 - هل تتوقعين ان فيه لاعب انظلم في الهلال بسبب سامي الجابر ؟؟

نوّاف العابد انظلم بس كان يستحق لانه بالعاميّة عندنا يبزوط كثير ويبيله نظام صارم مثل دونيس الحين خلّانا نشوف العابد القديم

5 - لاعب محلي ولاعب اجنبي مجود حاليا في الدوري تتمنى انه في الهلال؟؟

محلّي فهد المولد و اجنبي عمر السّومة

6- نادي النصر ؟؟

الله يفكّهم من مكابر كحيلان وتزين امورهم

7 - افضل لاعب مر على الهلال ؟؟

ويلي + رادوي + التايب + نيفيز هالرّباعي مجنون كل واحد افضل من الثاني


عاد ماودي اكثر عليك بالأسئلة