المشاركة الأصلية كتبت بواسطة مـ غ ـترب فـيـ عـذابـكـ

ماشاء لله عليك

ماودنا تاقفين من الكتابه

نبي قهوه

س / اكره ثلاث صفات بالرجل والحرمه


بالانثى / الثرثرة .. الحش .. سلاطة اللسان
بالرجل / البخل .. التدخل بشؤون الحريم .. الجفاف

س/ اجمل ثلاث صفات للرجل والمحرمه

بالرجل / الرجولة - الكرم - الحنيّة
بالانثى / العطف .. العطاء .. السّنع

س / رايك بالانفتاح وخصوصا للبنات واللي نشوفه بالاسواق واللي وصل لمرحله الوقاحه وتعدي الذوق العام

قلة تربية من الاهل , ولو بكيفي حطيت امن نسائي مخصص لمثل هالحالات , واللي بيقولي حريّة شخصية فيه حدود للمكان العام وفيه ناس متدينين وفيه رجال مايبون يشوفون مثل هالمناظر ويستأثمون اغلب المجمعات والكافيهات والمطاعم صارت ماهي مريحة من هالنوعية , حتى لو الوحدة بتطلع مع زوجها لكوفي عوائل ماترتاح من كثر ماتشوف قدام عينها وليته على الاقل انفتاح بس بالشكل الصوت والضحك والسوالف وامور كثير انا ك بنت اشمأز منها .

س / موقف حصلي امس بالحلاق

كان حلاق تركي جاء سواق هندي ومعه جوال وعطاه الحلاق وطلع

سالته يوم جا بنت اللي تكلم قال ايه

شفها برا عمرها 16 او 17 تبي تحلق عنده طبعاً ماقولك بويه لا يعني ملامح الانوثه فيها

ورفض يقول خايف من الهيئه ؟


برايك ليه وصلنا للدرجه ذي

وصلنا لها من ورا بعض الاهالي اللي مايهتمون بعيالهم بنت بهالعمر كيف تطلع مع سوّاق بدون امها ؟



س / قد شفتي مضاربه قدامك وش كان شعورك ممكن تطبين
ايه بالعيد قدّام سايتك الخبر شعوري حسّيت اني بصيح ,
بعض الشباب مايستحون ينزلون واحد من سيارته ومعه اهله ويضربونه
ممكن ادق على الشرطة لو طبيت مت

س/ لك بالاكل الشعبي وش احب نوع


جريش

س / رايك بالفقع وهل يستاهل كل هاللي صاير


ماحبه واخر مره اكلته وعمري 11 يمكن , ابدا مايستاهل

س / بما انك مقبله ع الزواج لله يوفقك يارب

وش اكثر شي يخوف منال منه


ويوفقك يارب , بداية الحياه ومرحلة وضع الاسس اللي نستمر عليها بقيّة العمر
لانها مرحلة حساسه تتطلب الوضوح والتنازلات .


لنا عوده يامودير