|
رد: ♡ عسى العوض في مقبلات الليالي ♡
*
ان كان تنشد وش بقى مابقى غير
ذكرى من أيام الليالي الخوالي
الله يذكر هاك الايام بالخير
يسعدك ربي يا زمان مضالي
لوكنت عارف وقتها وش يبي يصير
ما كان دل الهم دربي وجالي
واليوم هذي حالتي !! دون تفسير
أوقف على الأطلال وألوم حالي
قولي ظروف الوقت !! قولي مقادير
قولي نصيب وما جرالي جرالي
ماجملت وجه الخطايا المعاذير
ولا عاد للأعذار فيها مجالي
خلها على الله ليه احسب المخاسير
ما راح راح وما بقالي بقالي
الحظ مقفي والليالي مدابير
عسى العوض في مقبلات الليالي
-
|