|
رد: المهام الفصلية لمقرر التدريب الميداني2 (د. منى محروس )
السلام عليكم
حابة اتطفل واقولكم شغلة انا ولله الحمد والمنة خلصت مقررات التدريب الميداني كلها المهم جالسة اقرا تعليقاتكم في الصفحة وحبيت اشاركم تجربتي في تدريب 2 بالنسبة لي كان اجمل بكثييييييير من تدريب 1 وتدريب 3
تدريب 2 اضاف لي الكثير من المهارات وغير كثير بشخصيتي عطاني نوع من النضج اكتشفت جانب بشخصيتي ماكنت اعرفه من المهارات الي اكتسبتها فيه مثل مهارة الملاحظة تعززت عندي في مرحلة دراسة الحالة الفردية ومهارة كتابة التقارير ومهارة تقبل العميل واعتبرها من اهم المهارات الي مارستها لاني واجهت مشكلات مع طالبات للامانة انصدمت بالبداية فيها وبثقل المشكلة بنسبة لعمرهم لكن ممارسة مهارة تقبل العميل عززت فيني مبدئ تقويم السلوك الخاطئ انظر للمشكلة انها سلوك خاطئ يحتاج لتقويم وتعديل وليس الى انها شخصية خاطئة
بصورة سريعة لتدريب 2 يركز على مجال واحد المجال المدرسي ويمشي بتدرج وتسلسل بالتقارير بالبداية تقرير اولي بيانات اولية واثراء معرفي للمؤسسة التعليمية الي راح تطبقين فيها وبعده تجيك المرحلة الثانية دراسة حالة فردية يعطونك حالة وتقابليها والمرحلة الثالثة نشاط جماعي يقتصر على جماعة فصل مثلا والمرحلة الرابعة كانت نشاط مجتمعي عنها تقدرين تعلمين نشاط على مستوى المدرسة من طالبات او معلمات بانك تعملين مشروع لهم او تستغلين مجلس الامهات وتعملين مشروع لهم
ليش اقول لكم ان التدريب الميداني الثاني احلى من الاول والثالث لانه يخليك تبدعييييين وتشتغليييين وتنميييييين مهاراتك بتسلسل وبنفس المجال وعلى عدة مستويات فردي وجماعي ومجتمعي وعلى عدة محاور وقائي وعلاجي وتنموي
عشان كذا نصيحة مني لالالالالالالالا تاخذون التقارير وتعبونها في يوم واحد راح تفقدون جمالية المقرر وماراح تسفيدون لانه بنهاية الامر في اختبار مقابلة لا تنسونها بالعكس داومو في المدرسة في كل مرحلة اضعف الايمان ثلاث ايام انا اذكر داومت اكثر من شهر وكنت مرة مستمتعة والمرشدة كانت مرة متعاونه مع انها ماكانت متخصصة بالخدمة الاجتماعية
طولت عليكم بكثر الكلام  الزبدة استمتعو بالمقرر واشتغلو فيه كويس لانه مررررا جميل وممتع والله يوفقكم  
|