2010- 7- 29
|
 |
أكـاديـمـي مـشـارك
|
|
|
|
|
ياجار برقع الطير
السلام عليكم ورحمة الله وبركاته
هذه قصيدة قالها شاعر عن قصة جار صالح كان يحافظ على حرمة بيت جاره ويأمنه
وكانت زوجة جاره لاتقدر الحشمة وتنتظر طلعاته لتخرج في نفس الوقت
وكانت تتعمد أن يراها بشتى الطرق فصد عن ذلك وحافظ على أخلاقه الطيبة
وأمانة الجار والجيرة
ياجار كانك طعتني برقـع الطيـر
طيرك وحش وقلوبنـا مستميتـه
لولاي رجلٍ من رجال بهـم خيـر
ماصد واغض النظر مـن بخيتـه
ياجار طيرك كل ماعرض اعصير
مدري علامـه يلتفـت مادعيتـه
يمر كنـه شـارد الصيـد لاذيـر
لا بوه لابـو حـي حيـه وميتـه
اغير وانذر وانذر القـوم واغيـر
وابيع روحـي وانهـزم لا بغيتـه
يردني ياجـار طبـعٍ لنـا غيـر
الجار مـا نـدرج لغـرات بيتـه
يبقا على حشمه وشيمه وتقديـر
ويروح عني بالـردا مـا قفيتـه
من خوف شيٍ ما بعد صار ويصير
يامـا هدمـت البيـت والا بنيتـه
بعدٍ عن الهيـن معـزه وتوقيـر
ورجمٍ على غير النقا مـا بديتـه
يحدنـي يـم الخطـا دون تبريـر
الى بـلانـي بالهـوى مابليتـه
وانا بشر مني خطايـا وتقصيـر
الله يغفـر كـل ذنـبٍ جنيـتـه
الشاعر"هادي الرزقي"
http://www.youtube.com/watch?v=vaj56Cosfgg
|